Şareadrîya Bajarê Girdî ya Dîyarbekirî depoyê awe ya Talaytepeyî ke xeylê xewto nêno şuxulnayiş reyna abikerê xizmetê şarî xebatanê xo qedîna.

Midurîya Awe û Îdareyê Kanalîzasyonî ya Şaredarîya Bajarê Girdî ya Dîyarbekirî (DÎSKÎ) semedo ke probleme awa şimitişî safî bikero projeyan yew bi yew erzeno falîyet.

Ekîbê Dîskî xebata ciewnîyayiş û temîrî ya Depoyê Terfî ya Talaytepe yo ke pê serreyan nêno şuxulnayiş û îxtîyaxîyê awe ya taxê Firat,Talaytepe û Tokî 500 Evlerî ya qezaya Peyasî peyda bikero, qedînay.

Qapasîteyê Depoyê Terfî ya Talaytepe 15 hezar metrekup o û ekîbê şaredarî çarçiwa xebatan di 83 metre dergi de borîyê çalig ya 700in depllasê kerd û depoyê awe akerd xizmetê şarî.

Midurê Pêroyî ya Dîskî M.Fırat Tutşı xebatan sehna û derheqê xebatan di agahî girewt û wina vat : “Ma semedo ke awa biqalîteyin biresnîme şarî û wezîfeyê xo pê serkewte bîyarî ca bê mabên xebetiyenî. Xebata ciewnîyayiş û temîrî ya depoyî qedîya. Depoyê terfi do hetêk ra demêko derg problemê awe safî bikero hetêk ra zî îxtîyacîyê awe ya banê berzan zî peyda bikero.