Şaredarîya Bajarê Girdî ya Dîyarbekirî semedo ke ciwanî ke emser kontenjanê îlaweyî de unîversîteyî qezenç kerdo zî îstîfade bikerê muracatê destege perwerdeyî newera akerd.Walîyê Dîyarbekirî Munır Karalogluyî aşkera kerd ke muracaatan dest pêkerdo.

Walî Karaloglu aşkerayîya xo de wina vat : “Se ke ma soz da.semedo ke wa ciwanî ke emser kontenjanê îlaweyî de qeydê unîversîteyî viraşto zî îstîfade bikerê ma muracatê destege perwerdeyî ya 750 lîrayin newera akerd.Rojanê weş de bixebitnên.”

Şaredarîya Bajarê Girdî ya Dîyarbekirî semedo ke piştî bide ciwanî ke unîversîte de wanenê, xebatanê xo bê mabên domneno.

Ciwanî ke kontenjanê îlaweyî de emser reya sifte beşa 2 yan zî 4 serrîyan rê qeydê xo viraşto eşkenê îstîfade bikerê.

Roja pêyen 14ê Citmenge yo

Çarçiwa proje de ciwananê ke emser kontenjanê îlaweyî de unîversîteyê taybet yan zî dewlete de beşa 2 yan zî 4 serrîyin qezenç kerdo û qeydê xo raya sifte viraşto eşkenê muracaatê destegê unîversîteyinan bikero. Ciwanî eşkenê sîteyê http://destek.diyarbakir.bel.tr ser o muracatê xo bivirazê.

Muracatan ewro dest pêkerdo û hetanî 14ê Citmenge saet 23:59 dewom bikero.

Şaredarîya Girdî çarçiwa ina proje de 10 hezar û 185 ciwanî ke emser reya sifte unîversîte qezenç kerdo û qeydê xo viraşto rê 750 lîra desteg vila kerdbi.