Gerînendetiya Giştî ya Avê û Kanalîzasyona Diyarbekirê (DÎSKÎ), ji bo alîkariya navçeya Ayancik a Sînopê ku lehî lê rabûbû, desteka ekîpmanî şand.

Li herêma DeryayaReş ji ber barana zêde lehî rabû û gelek mal û milk, mirov û ajel li ber lehiyê çûn, Midûrtiya Giştî ya DÎSKÎ’yê, ekîpmanek ji 6 xebatkar û 2 amûran ji bo piştgiriya Ayancika Sînopê şand hewarê.

Midûrê Giştî yê DÎSKÎ’yê Firat Tutşî, der barê mijarê de diyar kir ku saziya wan ji bo her awa karesat û hawarê amade ye.

Tutşî, ji bo welatiyên li ber lehiyê zirar bi wan ketiye daxwaza derbasbûnê kir û got ku ji Diyarbekirê ve ew ji bo her cure alîkariyê amade ne.

Tutşî, weha axivî:

“Me ji bo birayên xwe yên DeryayaReş piştgiriya xebatkar û ekîpmanî şand. Ekîbên me dê li deverên pêwist çi karê pêwist bike bînin cih.”