Midurîyê Pêroyî yê DÎSKÎ ya Şaredarîya Bajarê Girdî yê Amedî,Qezaya Silîvanî Cadeya Dr.Îsmaîl Beşîkçî de xebatanê awaşilîye û kanalîzasyonî da dest pêkerdene.Bedelê no projeyî 788 henzar TL yo û bi no projeyî 2 henzar metre awaşilîye,300 metre zî şebekeyê kanalîzasyonî bêrê viraştene.

Midurîyê Pêroyî yê DÎSKÎ ya Şaredarîya Bajarê Girdî yê Amedî,qezaya Silîvanî de Cadeya Dr.Îsmaîl Beşîkçî ya ke Taxa Selehattînî û Bahçelîevlerî ca keno de kargeh û keyeyanê ke şilîye vera zirar dîyîbî temîr bikero û qemasîyan temom bikero,projeyê awaşilîye û kanalîzasyonî da dest pêkerdene.Bedelê no îhaleyî 788 hezar û 600 TL yo û qepsema no projeyî de 2 hezar metre awaşilîye,300 metre şebekeyê kanalîzasyonî bêrî viraştene.Hemşaredarî Silîvanî Naşîde Toprak û Abbas Hîlmî Azîzoglu zî xebatan wekenitî û derheqê xebatan di zanayanê girewtî.

Serekê Dayîreyê Mintiqaya 1.ê Midurîyê Pêroyî ya DÎSKÎyî Hasan Turmak derheqê xebatan di agahî daye û”Qemasîyî binawanîyê û şilîyê vera Cadeya Dr.Îsmaîl Beşîkçî de xeylê kargeh û keyeyî zirar dîyîbî.Semedê çareserkerdîşê nê probleman zî ma projeyê awaşilîye û kanalîzasyonî da dest pêkerdene” va.Turmakî va ma hedef kenê ke mabenê aşmêk de nê xebatan temom bikerîme.