Fuarê Travel Expo Îzmîr yê 15ine de Şaredarîya Bajarê Girdî ya Dîyarbekirî cayê xo girewt.

Fuarê Travel Expo Îzmîr emser mabênê 2-4ê Kanûne de Îmzîr de ame serrastkerdiş û Şaredarîya Girdî fuar de standêk akerd û tewrê fuarê bî.

Walî Munır Karaloglu merasîmê akerdişê fuarî ra dima Walîyê Îzmîrî Selım Koşgerî reyde standan gêrayî. Badê Karaloglu Hetkarê Kultur û Turîzmî Ahmet Mısbah Demırcanî standê Dîyarbekirî de kerd mêman.

58 welatan ra hemwelatîyan beşdarê fuarî benê û firsendê şinasnayişê bajarî ma vînenê. Kesê ke standê Dîyarbekirî zîyaret kerd, înan rê qedeyîfa burma, peynîr, çoreka Dîyarbekirî, sucuqo gozin, vame û dendikê zebeşan ame vilakerdiş.

‘Semedê daşinasnayîşî fuar zaf muhîm o’

WalîYê Dîyarbekirî Munır Karalogluyî da zanayene ke Dîyarbekir, Mêrdîn û rîha sey welate insanetiye yo û xeylê mîrasê kultur û tarîxî rê zî wayîrîye kenî. Karaloglu : “Eke ma welate insanetiye hîna weş bideme daşinasnayiş ma eşkenê pare xo yê turîzmî zêde bikerê. Ma semedê daşinasnayişê bajarî xo 3 rojan tîya de yî. No zî semedê Dîyarbekirî şansêk o.Ma heme hemwelate xo rê û Tirkîya rê vanê Kerem ke.