Şaredariya Bajarê Mezin a Amedê û Şaredariya Sûrê bi serperiştiya Komela Berê Zarok di navbera 7-11 hezîranê de bi slogana “Werin em di tîqtîqa zarokan de bigihîjin hev” “Festîvala Zarokan a Sûrê” li dar dixe. Bi boneya festîvalê civîna danasînê hate lidarxistin û li kuçeyên Sûrê bi erbanê broşûr û şekirokên eydê hatin belavkirin.

Şaredariya Bajarê Mezin a Amedê û Şaredariya Sûrê bi serperiştiya Komela Berê Zarok di navbera 7-11 hezîranê de bi slogana “Werin em di tîqtîqa zarokan de bigihîjin hev” “Festîvala Zarokan a Sûrê” li dar dixe. Civîna danasînê li Mala Hunerê ya Laleşê hate lidarxistin û ligel parlamenterên DHPê yên Amedê, Hevşaredara Sûrê Fîlîz Bululttekîn, Seroka Komela Berê Zarok Cevahîr Sadak Duzgun, Serokê Daîreya Çand û Turîzmê Yavuz Akkuz û nûnerên hevkarên projeyê di civînê de amade bûn.

Di kombûna danasînê de der barê festîvalê de agahiyên berfireh hatin pêşkêşkirin û li ser giringiya festîvalek bi boneya zarokan bal hate kişandin. Di belavokê de ji gele Amedê hate xwestin ku tevê zarokên xwe beşdarî vê mîhrîcanê bibin.