Walîtîya Dîyarbekirî û Şareadrîya Bajarê Girdî ya Dîyarbekirî pê şirikî, semedê daşinasnayişê Zebeşa Dîyarbekirî yo ke tescîllî yo, “Festîvalê Zebeşa Dîyarbekirî ya 11in” virazîya.

Festîvale pê korteje deweyê ke zebeşe bar kerde, taximê bando,grubê erbane û govendî Cadeyê Ekîncîler Meydanê Şêx Seîdî de dest pêkerd.

Meydanê Şêx Seîdî de pê resayişê korteji festîval dest pêkerd û badê gedeyî zebeşe giloverî kerde û mabênê tutî ke emre înan 0-2 serrî de yî zereyê zebeşan de poz daye.

Heto bîn ra hemwelatîyan eleqeyêko weş nîşanê zebeşê Dîyarbekirî yo ke bi şeklo cîya-cîya ameybi neqişkerdiş, daye.

“Zebeşa Dîyarbekirî korja na sifreya gird o ”

Walî Munır Karaloglu qalîkerdişê xo de da zanayene ke Dîyarbekir sey sifreyêk o û bine banê xo de tarîx, kultur û medenîyetî hewênena.

Walî Karaloglu penirê Qerejdaxî ra bigîrê hetanî ciger û kadayifî bajarê ma hetê werdişî zaf dewlemend o û xeylê çîyê werdî û şimitişî bine banê xo de hewêneno.

Karalogluyî wina vat : “Sifreya dîyarbekirî ehrkesî Rê akerde yo û zebeşa Dîyarbekirî zî korja na sifreya gird o. Zebeşa dîyarbekirî seserreyan o ke yena îstîhsalkerdiş û ma semedo ke hetêk r ana erceyê xo bipawê hetêk ra zî semedê ke rojanê Tirkîya de ca bigîre ma festivale serrast kenÎ.”

Karaloglu citkarê ke binê roje de ked wenê û Zebeşa Dîyarbekirî îstîhsal eknê rê zî bi taybetî spas kerde.Karalogluyî îzeh kerd ke sey emser semedê daşinasnayiş û îstîhsalê Zebeşa Dîyarbekirî destege citkaran bidomno.

“Destegê ma do dewom bikero”

Karalogluyî qalîkerdişê xo wina qedînay: “Ma bine îdareyê Îdareyê Averşîyayişê Zîretî ya GAPî citkaran rê hem desteğe şitil, hem zî zibil û dermanan kerdî. Ewro zî hetê daşinasnayişê zebeşe de desteğe ma estê. Înşallah ma do serranê binan de zî pê festîval û şayîyan daşinasnayişê Zebeşa Dîyarbekirî bidomno.Semedo ke hetê bazirganî de zêdekerdişê ercê zebeşe zî xebatanê ma dewom kenî. Emser zuwayî zaf tesîrê zebeşan ker daye ra sey par gird nêbî. La reyna zî zebeşe en gird ê cîhane yo. Înşallah şayîyeke weş bo.”

Zebeşa en girane emser 45 kîlo bî

Ikram Atlıye ke zebeşa aye 45 kilogram bî xelata yewine, Abdulhamît Atliyo ke zebaşa ey 44 kilogram û 100 gram bî xelata diyîne û Mehmet Kayayo ke zebeşa ey 44 kilo û 100 gram bî xelata hîrêyîne girewt.

Vilakerdişê xelatê serkewteyan ra dima Sermişawira Serekkomarîye Gulşen Orhane festîval de deyrê kurdî vat.

Şayî pê konserê AlI Aktaş,Ibrahım Candan, Leyla Aslan û Ilyas Yalçintaşî dewom kerd.

Festîval rê Parlementerê Dîyarbekirî Oya Eronat û Ebubekir Bal, Walî,yê Dîyarbekirî Munır Karaloglu, midurê dezgeyanê dewlete û xeylê hemwelatî beşdar bîyî.

Vozdayiş virazîya

Çarçiwa Şayîya Daşinasnayişê Zebeşe û kulturê Dîyarbekirî ya 11ine de Hîpodromê Dîyarbekirî de vozdayiş virazîya. Musabaqayê vozdayişî Astor Shadow Man û wayîrê ci Mehmet Selım Demırkapuyî qezenç kerd. Walî munır Karaloglu serkewteyê musabaqayî rê kupayê ci teqdîm kerd.