Şaredarîya Bajarê Girdî yê Amedî qepsema Mektebê Sporî ya Hamnanî de şayîyan da destpêkerdene.Şaredarîya Girdî qepsema şayîyan de semedê gedeyanê dezavantajînan Warê Şaristanî de şayîyêk viraşt.Gedeyan şayî de mirda xo keyf kerdî.

Serekîya Dayîreyê Xizmetanê Spor û Ciwanî ya Şaredarîya Girdî qepsema Mektebê Sporî yê Hamnanî de “Şayîya Gedeyan” serrast keno.Şaredarî bi nê şayîyan hedef kenê ke gedeyanê dezavantajînan park û cayanê zergûnînan ra henî zêde feyde bigîrê.

Sifteyê Şayîya Gedeyan bi tewrê 58 gedeyî Warê Şaristanî de dest pêkerd.Ekîban, gedeyan bi pîsporan girewt û berdî Warê Şaristanî ,gedeyan uca de bi kayanê awe mirda xo keyf kerd.

Perwerdekara Serekîya Dayîreyê Xizmetanê Ciwan û Sporî ya Şaredarîya Girdî Mîzgîn Karaman dîyar kerd ke gedeyan nê şayîyan vera zaf keyfweş bîyî û Karamane aşkera kerd ke amancê nê şayîyan hem şinasnayîşê bajarî ya gedeyan o, hem zî park û cayanê zergûnînan ra henî zêde feyde girewtîşî yo.Sewbînan Karaman dîyar kerd ke qepsema Şayîya Gedeyan de henî çalakîyan zî bêrî viraştene.