Bi serperiştiya Beşa Karên Çand, Huner û Civakî, Midûriya Şaxa Çand û Tûrîzmê ve di çarçoveya “Geştên Danasîna Bajêr a Payizê” de, ji bo jinên ku li Navendên Jiyana Jinan ên girêdayî Serokatiya Daîreya Polîtîkayên Jinan kursan dibînin û ji bo xwendekarên ku li Navenda Seretayî ya Bereketli ya Erxeniyê û Navenda Seretayî ya Dokmetaş a Yenişehîrê dixwînin, du bernameyên geştê yên cuda yên ji bo navçeya Gêlê hatin lidarxistin.

Di çarçoveya geşta navçeya Gêlê de, beşdaran Kela Gêlê, Tirbeya Pêxember û Sehabiyan, meqamên Hz. Zûlkîf û Hz. Elyesa pexemberan, Mescîda Hz. Elyesa, Kela Asûrî û Gorên Qralan ên ku di nava navendên girîng ên dîrokî û baweriyê yên navçeyê de ne, ziyaret kirin. Her wiha bedewiyên xwezayî yên li qeraxa Çemê Dîcleyê û dewlemendiyên çandî, dîrokî, bawerî û xwezayî yên navçeyê hatin danîn naskirin.

Di çarçoveya geştên din de, beşdaran deverên dîrokî, çandî û xwezayî yên girîng ên bajêr geriyan; wekî Sûriçê, Kela Navîn, Mûzeya Arkeolojiyê, Mizgefta Mezin, Dêra Sûrp Giragos, Mala Dengbêjan, Mûzeya Bajar a Cemîl Paşa, Pira Dehderî û Baxçeyên Hewselê.

Geştên danasînê yên ku di çarçoveya “Geştên Danasîna Bajêr a Payizê” de ji bo navendên çandî, xwezayî, dîrokî û baweriyê yên bajêr tên lidarxistin, dê heta 15ê Mijdarê bidomin.