Şaredarîya Bajarê Girdî yê Amedî semedê kesanê destteng û kesanê kê nêeşken biresê fitarî çadirê fitarî akerdî bî,Hemşaredarê Şaredarîya Bajarê Gird a Amedî A.Selçuk Mizrakli zı beşdarê çadirê fitaran bî û aşkera kerd kê rojanê de 5 henzar kesan eşkenê nê çadiran ra îstîfade bikerî.

Serekîya Dayreyê Xizmetanê Sosyalî ya Şaredarîya Bajarê Girdî yê Amedî çor cîya nuqteyî de semedê kesanê destteng û kesanê kê nêeşken biresê fitarî,çadirê fitarî rona û nê çadiran dest pê xizmetê kerd.Hemwelatîyon fitaranê xo yê verên çadiran de akerd. Hemşaredarê Şaredarîya Bajarê Gird a Amedî A.Selçuk Mizrakli,Parlementera HDPê Salıha Aydenız,Hemserekî Şaredarîya Sûrê Fılız Buluttekın ,Cemal Ozdemır û endamên meclîsê pîya çadirê fitarî ya Warê Şêx Seîdî zîyaret kerd.

Çadirê fitarî ya bi qapasîteyê 500 kesan pirr bî û hemwelatîyon şî verê Mizrakliyî.Hemşaredar Mizrakli çadirê fitarî wekinit û menûyê fitarî sero zanayîş girewt û badê wına îzeh kerd:”Şaredarîya Girdî semedê Aşma Remezanî hadreyînê xo kerd temom û çor cîya nuqteyî de çadirê fitaran rona.Nê çadiran de rojane 5 henzar kesan ra zêde hemwelatê ma îstîfade kenî.Sewbînan meymanxaneyê neweş û keyeyanê neweşan de zı hem fitarî de hem zı paşîvê de werde ame dayene.”