Merkezê Mişewre û Paştdayîşî HEVRA ya Şaredarîya Bajarê Girdî yê Amedî xoverdayîşê tîryakî de xebatanê xo domneno.

Serekîya Dayîreyê Xizmetanê Ciwan û Sporî ya Şaredarîya Bajarê Girdî yê Amedî binê banê Merkezê Mişewre û Paştdayîşî HEVRAyî de bi 2 sosyolog û 2 psîkologî xoverdayîşê tîryakî domneno.Merkez serra 2014 de dest pê xebate kerdî û o tarîx ra nata cayanê belî de xizmetanê mişewre tîryakî dano.

Sosyolog Helîn Bozarslane aşkera kerd ke semedê teriknayîşê tîryakî xeylê perwerde û semîner ameyê viraştene.Sosyolog Pervîn Yetîz zî dîyar kerd ke xebatanê têkoşînê tîryakî rê Cuya Muşterek a Sumerparqe de dest pêkerdîyo û seba ke têkoşînê tîryakÎ de hîstenîkîyî zêde bikerî Platformê Têkoşînê bi Tîryakî rê ameyo awankerdene.Pîspor psîkolog Ugur Çagan AlakuştekÎn zî bal ont kê Merkezî ra zafane kesanê mabenê 16-30 serrî yê feyde gênê.Alakuştekîn badê wîna dewom kerd:”Ma xoverdayîşê tîryakî de neweşan rê teyna mişewre tîryakî nêdanî ma terapîyî komelkî û xizmetanê paştdayîşê psîkolojîk zî danê. “

Merkezê Mişewre û Paştîdayîşî HEVRAyî qezaya Peyasî Gazîler de yo kesanê ke wazenê teriknayîşê tiryakî de xizmetanê mişewre û paştîdayîşî bigîrê.