Kehwexaneyê Şarî û Kitab Kehweyî ke bine banê Şaredarîya Bajarê Girdî ya Dîyarbekirî de xebate kenî, pê tehtîlbîyayişê mektebon pirr bî.

Kehwexaneyê şarî, Meydanê Suke, Tema Park û Kitab Kehweyê Parkê Birayîye yê Şaredarîya Bajarê Girdî ya Dîyarbekirî pê tehtîlbîyayişê mektebon bî sey keyeyê wendekaran.

Qezayê Yenîşehrî de Kehwexaneyê Şarî, Baxlarî de Parkê Birayîye, Peyasî de Meydanê Suke, û Kitab Kehweyê Tema Parkî de kitabxaneyê şaredarî mabênê saetanê 08:00 -21:00 de her roje xizmet dano şarî. Kitabxaneyan Serekîya Dayîreyê Xizmetanê Ciwan û Sporî ya Şareadrî ser o xebate kenî.

Gedeyî hetêk ra kitabxaneyê şarî de cayêko germ û weş de xebetiyenî heto bîn ra zî înan rê çay yena vilakerdiş.

Habip Polatî da zanayene ke par beşê mamostayîye ra mezûn bîyo û emser zî semedo ke hadreyê îmtîhanê KPSS bibo yeno tîya de xebetîyeno û aye ra tîya semedê ê kitabxaneyî zaf rehet o.

Dilek Biçere zî da zanayene ke tîya goreyê keyeyî hîna rehet û weş o aye ra tîya de xebetîyena.

Remzıye Aldemıre zî kîfş kerd ke keye de îmkananê aye çina û gama ke yena kitabxaneyê herkes xebetîyenî û a zî motive bena.