Serokatiya Daîreya Çêkirin, Parastin û Venêrtina Rêyan, bi armanca ku li seranserê bajar jêrxana veguhastinê xurt bike, ewlehiya ajotinê zêde bike û ji bo welatiyan derfetên veguhastinê yên rehet peyda bike, xebatên nûkirina rêyan berdewam dike. Di vê çarçoveyê de tîman, li navçeya Rezanê li herêma Dortyolê di sê kolanên ku ji ber çalakiyên jêrxanê rûyê rêyên wan xera bûbûn de xebata asfaltkirinê da destpêkirin.

Piştî xebatên jêrxanê rê tên nûkirin

Kolana Nukhet Coşkun, Kolana Kardeşlik û Kolana Goçmenlerê ku xebatên wan ên jêrxana gazê temam bûn, bi xebatên ku tên meşandin re bi asfalta germ dê bêne nûkirin. Tîman, beriya raxistina asfaltê li ser rêgezan amadekariya zemînê ya pêwîst û xebatên rêzkirina rêyan kirin. Piştî amadekariyan di kolanan de derbasî raxistina asfalta germ bûn.

Ji rêgeza 2 hezar û 170 metreyî re asfalta germ

Dirêjahiya giştî ya sê kolanên di çarçoveya xebatê de digehêje 2 hezar û 170 metreyî. Li van rêgezan tê planan ku nêzîkî 4 hezar û 200 ton asfalta germ bê bikaranîn. Bi raxistina asfaltê re rûyê rêyên ku ji ber xebatên jêrxanê xera bûbûn dê bêne nûkirin û berxwedana kolanan dê bê zêdekirin.

Veguhastina ewleh û rehet tê armancxistin

Bi qedandina xebatan re li kolanên Nukhet Coşkun, Kardeşlik û Goçmenlerê tê armancxistin ku veguhastina wesayît û peyayan ewletir û rehettir bibe.

Şaredariya Bajarê Mezin a Amedê, dê li gorî bernameya xebatê ya ku hat diyar kirin xebatên parastin, onarim û asfaltkirina rêyan a li seranserê bajar bidomîne.