Şaredarîya Bajarê Girdî ya Dîyarbekirî, Ajansê Averşîyayişê Qerejdaxî reyde semedê miqatebîyayişê gedeyanê astengdaran protokolê “Banê mabeyne” ame îmzakerdiş.

Şîyayeyê “Banê Mabeyne” hetê Ajansê Averşîyayişê Qerejdaxî bêro ca. Merasîmê protokolî pê tewrê Sekreterê Pêroyî ya Şaredarî Ayhan Kardan, Sekreterê Ajansê Averşîyayişê Qerejdaxî Hasan Maral û Serekê Dayîrê Xizmetanê Sosyal ya Şaredarî Hayrullah Akyıldızî virazîya.

Sekreterê Pêroyî ya Şaredarî Ayhan Kardan da zanayene ke ewro projeyêko zaf girîng ame îmzakerdiş.

Kardanî kîfş kerd ke Walî Munır Karaloglu se ke dest pê wezîfe kerd teftîşan de kêmanîyê Banê Mabeyne kîfş kerd û ca de talimat da û talîmatê Walî Karalogluyîs er o xebatan dest pê kerd û aşkera kerd ke xebata awankerdişê Banê Mabeyne yê qezaya Şehîtlix û Peyasî se ra 95 qedîya.

“Keyeyanê gedeyê astengdar ganî 7/24 miqayetê gedeyê xo bên. Ê nê şêno ke gedeyê xo pawtê kesî bikerê ke kar û gurê xo bikerê. İna nuqte de Banê Mabeyne keno dewre û keyeyanê astengdaran eşkenê gedeyê xo Banê Mabeyne de pawtê ma bikerê û kar û gurê xo bikerê. Ma hem hetê perwerde hem zî hetê psikolojik xizmet zî bidê gedeyê astengdar.”

Sekreterê Ajansê Averşîyayişê Qerejdaxî Hasan Maralî zî da zanayene ke bedele protokolî pêroyî de 1.5 mîlyon lira yo û ci ra 1.1 mîlyon lîra çarçiwa programê piştîdayişê averşîyayişê sosyal bêro fînansekerdiş.

Maralî derheqê protokolî de wina vat : “Şaredarîya Bajarê Girdî ya Dîyarbekirî bi semedê ina projeyi bi taybetî dahreyîne xo keno. Ma piştîdayişê ina projeyi ver zaf keyfweş î.”