Şaredarîya Bajarê Girdî yê Amedî bi 9 branşê sporî Mektebo Hamnanî ya Gedeyan akerd.Mektebo Sporî ya Gedeyan do 2 aşmî dewom bikero û Şaredarî hedef kenê ke 7 hezar û 180 gedeyî ci ra feyde bigîrê.

Serekîya Dayîreyê Ciwan û Sporî ya Şaredarîya Girdî,seba ke gedeyan tehtîlê hamnanî henî weş bivîyarno, Mektebo Sporî ya Gedeyan akerd.Mektebo Sporî ya Gedeyan bi tewrê 7 hezar û 180 gedeyî dest pêkerd.

Mektebo Sporî ya Gedeyan do 8 hewte dewom bikero û branşanê fitbol,basketbol,asnawberî ,setrenç,tenîsê kort,karete,tenîsê masayî,cîmnastîkî,zanist û teknolojî,kayê vîr û mezge,nuştoxîye û afernayış,matematîko keyfin,wendişo lezgîn,fealîyetê geyrayîşî,mûzîk pêroyî de 16 branşî de perwerde bidero.

Serekê Dayîreyê Xizmetanê Ciwan û Sporî ya Şaredarîya Girdî Mahmut Evînç aşkera kerd ke gedeyanê mabenê 7-14 serrî eşkenê no mektebo hamnanî ra feyde bigîrê û perwerdeyan Merkezê Cuya Muşterek a Sumerparqe de ,Dezgeyanê Sporî ya Talaytepe,Hewze Seyrantepe TOKÎ de û Banê Zanistî de bêrî dayene.

Sewbînan Şaredarîya Girdî gedeyan rê bê pere malzemeyê sporî zî do vila bikero.Evînç semedê qeydê veng da heme gedeyan.