Hemserekê Şaredarîya Bajarê Girdî yê Amedî Dr.Adnan Selçûk Mizrakli pêvînayîşê citkaran di qisey kerd û vat:"İna bajar û qezayanê bajarî ma ganî çitare û sewbîn çîyan de bibo merkezêko giring."

Şaredarîya Bajarê Girdî yê Amedî û Şaredarîya Bîsmîlî bi muşterekî pêvînayişê citkaran serrast kerd.Pêvînayiş Salona Silayîye ya Bîsmîlî de serrast bî û pêvînayiş rê Hemserekê Partîya Demokratîke ya Şaran(HDP) Sezaî Temellî, Hemserekê Şaredarîya Bajarê Girdî yê Amedî Dr.Adnan Selçûk Mizrakli,parlementeranê HDPê Semra Guzel,Îmam Taşçier,Necdet Ipekyuz,Serpîl Kemalbay,endamanê MYKê,hemserekî qezayan,citkar û temsîlkaranê odeyê meslegan beşdar bîyî.

Hemserekê Bîsmîlê Orhan Ayaz pêvînayişê bi qiseykerdîşêk a kerd û vat:"Bîsmîl semedê zîretê cayêko zaf dewlemend o.Şaredarî teyna xebatanê bi viraştîşê rayîran û xebatanê pakîye xizmet nêdano şarî,ganî şaredarî heme meseleyan de kişta şarê xo de bibo.”Ayaze aşkera kerd ke Şaredarîya Bîsmîlê 26 aşme dema qayûmî ya zordestî vîyarna û “Ez erşawitişê qayûman vera şarî rê zî spas kena” vat.

Hemserek Mizrakli zî pêvînayiş de vîr vîst ke Bîsmîl mabenê qezayan di semedê zîretê cayêko dewlemend o û vat:"Hetê zîretê ra potansîyelêko gird a no qezayê esta û Bîsmîl hetê çitare de zî eşkeno bibo merkezêko giring.La ez tim çîyêko bawera ke o zî yewîye.Ganî ma seba ke citkarî geş bikemê,îxtîyacê ma bi yewîya dezgehan esta.Ganî ma seba ke berhemê ke citkaran îstîhsal kenî,heba mêbo çi dest ma ra bêrî ganî ma bikerî."

Dewamê qaLîkerdişê de projeyanê citkarîye ser o pêvînayiş virazîya û Endezyarê Zîraatî ya Serekîya Dayîreyê Karanê Muxtaran a Şaredarîye Tahîr Alan,xebatanê ke şaredarî seba citkaran virazenê ser o agahî daye.

Pêynîya pêvînayîşê de citkaran problem û waştîşanê xo ser o qaLî kerdî.