Şaredarîya Bajarê Girdî yê Amedî,Cuyo Hempar a Sumerparqî de semedê hişyarîya xidarîyên kê astengdarên çimî,eşnawitişî û ortopedîkî onceno, odaya empatîyê astengdaran awan kerd û Hemşaredarê Şaredarîya Bajarê Girdî yê Amedî Adnan Selçuk Mizrakli şî ina odeyî test kerd.Mizrakli aşkera kerd kê semedê astengdaran 9 wesayîtê komresîyê semedê astengdaran ameyê serrastkerdiş û hemwelatên astengdar eşkenê ALO 153 ê bigêrê û resayîşê xo bikerê.

Hemşaredarê Şaredarîya Bajarê Girdî yê Amedî Adnan Selçuk Mizrakli,Odaya Empatîyê ya Astengdaran a kê Midurîya Beşa Astengdaran a Serekîya Dayîreyê Xizmetanê Sosyalî ,Cuyo Hempar a Sumeroparqe di awankerdîbî wekinit.Mizrakli ewilî odeya tarî ya kê semedê hişyarî ya astengdarên çimî ameyo hadrekerdiş sehna.Odaya astengdarên çimî de tuxlayê takîbî ya peyarayîrî estê û uca de Mizrakli pê gopalêko sipî meşîya û ceribna kê biresê surehîyê masa sero qedeha xo ra awe pirrke.Mizrakli ceribnayîşê odeya empatîyê astengdarên çimî ra pêy hîsên xo kesanê pîya ra bare kerd.

Seba odaya empatîyê astengdarên çimî spas kerd

Hemşaredar Mizrakli astengdarên çimî ra odaya tarî de ameyî têhet û aşkera kerd kê semedê hişyarîya astengîyên çimî ganî herkes biceribne.Mizrakli îzeh kerd kê pêşnîyazê hemwelatîyon seba ma wezîfeyêko.Astengdaran zî oda ra ver Şaredarîya Girdî rê spas kerd.

Badê Mizrakli odaya astengdarên eşnawitişî ya kê pê îzolasyona venge bi taybetî ameyo hadrekerdiş, wekinit û derheqê odayê di zanayîş girewt.Mizrakli vîyart odayê û ceribna kê pê ziwanê nîşanî tekilîyê bikero.Mizrakli bal ont kê ina xebat,xebatêko zaf giringo û merdim waxto kê kuweno ina odayê fehm keno kê ziwanê nîşanî çiqas giringo.

Mizrakli:Xebatanê hîşyarîyê bibo zêde

Mizrakli pêynîyê de odaya astengdarên ortopedîkî sehna û hemwelatêk bê asteng uca de wenişt sandalîya biteker û ceribna kê persivê astengdarên ortopedîkî fehm bikeraç.Hemşaredar Mizrakli goşdarîya waştîş û pêşnîyazên astengdaran kerd û waşt kê semedê hîşyarîyê, ekrananê zanayîşê bajarî û bîlbordan de zî semedê hîşyarîyan xebatan dest pêbikero.

Mizrakli : 9 wesayîtê komresîyî xizmetê astengdaran de bibo

Demêko nêzdî de 4 badê zî 5 wesayît, pêroyî de 9 wesayîtê komresîyî semedê astengdaran ame serresatkerdiş .Mizrakli da zanayîş kê 2 wesayît otomotîk rampayîn ê û 2 wesayît zî semedê astengdarên çimî yo.Hemwelatên astengdar ina wesayîtan ra eşkenê ALO 153 sero feyde bigîrê.Mizrakli îzeh kerd kê ma zananê nê wesayîtan gora astengdarên ma qemîyo la ma demên pêynîyê de omarê wesayîtan zêde bikerîme.