Merkezê Cîgêrayîşê Komelkî ya Dîcle(DITAM) kombîyayîşê “Awakerdîşê aştîya komelkî de cayê dezgeyanê sîvîlan “: Cerbîna Afrîka ya Başûrî” serrast kerd û Hemşareadrê Şaredarîya Bajarê Girdî yê Amedî Adnan Selçuk Mizrakli zî beşdarê kombîyayîşê bî û qiseykerdîşêk viraşt.Mizrakli wîna va:”Na dema kê nêheqî û bê edaletî de kamî aştî wazenê benê terorîst, beno zî ma tim û tim vame aştî”

Merkezê Cîgêrayîşê Komelkî ya Dîcle(DITAM) kombîyayîşê “Awakerdîşê aştîya komelkî de cayê dezgeyanê sîvîlan “: Cerbîna Afrîka ya Başûrî” serrast kerd.Kombîyayîşê rê Hemşareadrê Şaredarîya Bajarê Girdî yê Amedî Adnan Selçuk Mizrakli,Sermuzakerdox a dema aştîyê ya Afrîka ya Başûrî Mohammed Bhabha û Roelf Meyer,Weqfê Aştîyê ra Hakan Tahmaz,Hemşaredara Yenîşehrê Belgîn Dîken, û xeyle rojnameger-nuştox ,akademîsyen û temsîlkaranê Dezgeyanê Sîvîlan beşdar bî.

Akerdîşê kombîyayaîşê Serekê Lijne ya DITAMê Mehmet Vural viraşt.Vural,giringîya aştîyê sero bal ont . Hemşareadrê Şaredarîya Bajarê Girdî yê Amedî Adnan Selçuk Mizrakli zî sererastkerdîşê na kombîyayîş ra ver DITAMê rê spas kerd û wîna va:”Na kombîyayîş çîyên weş rê wesîle bibo.Tarîxa ma de zaf dej û demên zaf xidar estê.Çîyenê pirênravete bîyo şirîke cuya ma.Na şar çîyên demêko zaf xidar derbaz kerd la reyna zî şarê ma bi esaletê xo vanê aştî,aştî,aştî.Ze Nelson Mandelayî ma zî vame kê ma çîyên xirav poşt xo de verda bêrê ma amayoxa xo biewnîme.Na roj û dema kê nêheqî û bê edaletî de, kamî kê aştî wazenê benê terorîst, beno zî ma tim û tim vame aştî

Qiseykerdîşan ra dima Sermuzakerdoxên dema aştîyê ya Afrîka ya Başûrî Mohammed Bhabha û Roelf Meyer pê moderatorîyê îdarekerê DITAMê Sedat Yurttaşî cerbînên xo sero qalî kerdê.