Konseyê Bajarî ya Amedî xeylê waxt ra dima newe ra ameyî têhet.Hemserekê Şaredarîya Bajarê Girdî yê Amedî Dr.Adnan Selçuk Mizrakli tewrê Kombîyayîşê Konseyê Bajarî ya 28ıne bî û Serekê Konseyê Bajarî ame weçînayene.

Kombîyayîşê Konseyê Bajarî ya 28ıne bi tewrê Hemşaredarê Şaredarîya Bajarê Girdî yê Amedî Dr.Adnan Selçuk Mizrakliyî û pêrabeste 121 temsîlkaran pê ame.Kombîyayîş Merkezê Kultur û Kongreyî ya Şaredarîya Girdî de ame viraştene.Kombîyayîşê Konseyê Bajarî gora mewzuatê Konseyanê Bajarî ya maddeye 11 û 11/A yî Serekê Konseyê Hemşaredar Mizrakli,Lijneyê Dîvanî ra Sereka Komela Cinîyan a Rosayî Adalet Kaya,Şaxa Komela Hûqûqzanan a Amedî ra Ozum Vurgun û Serekê Baroya Amedî Cîhan Aydin ameyî weçînayene.Kombîyayîş de derheqê xebatanê kehen a konseyî de sînevîzyonêk ame temaşekerdene.

Hemşaredar Mizrakli kombîyayîş de qisey kerd û : “Ma zaf hesretê kombîyayîşî wînasî ont.Ez şima bi rêzdarî silaf kena.”Badê Hemşaredar Mizrakli bal ont xebatanê kehen î konseyî ser o û “Uca de kesena ke ma zaf bêrî kenê estê.Uca de Selahattîn Demîrtaş,Osman Baydemîr,Gultan Kişanak,Firat Anli estê.Înan xebatanê bajarê ma rê zerrîya xo dayî,cuya xo dayî,La inka tayê hepsê der î tayînê zî hesretê welate xo oncenê.Ma konseyê bajarî 4 serrî dima reyna ard têhet.”

“Meclîsê Ciwanan yê Amedî Seba Tirkîye nimune bî”

Hemşaredar Mizrakli aşkera kerd ke babete Konseyanê Bajaran di xeylê vîrê ci estê û xebatanê meclîsê ciwanan yê Amedî seba Tirkîye sey nimune bî.Ma bi nê ceribnayîyan henî benê hêzdar.

Amed Kultur û Vîrê xo ra wayîr vejîya

Ma prosesê weçînayîşî ra ver Peymana Konseyê Bajarî viraşt.Yane ma waşt ke ba bivînîme Amed cuyêko senî wazenê û kamcî erjeyan ser o sibaroja xo virazenê û ma pîya vînenê ke Amed kultur û vîrê xo ra wayîr vejîno.Ma bi taybetî vîzer karsazan ra firsendê têhetamayîşî dî û ma vînenê ke heme karsazan emegdaranê dezgeyan ûsb. pêro pîya rindîyê wazenê.Wezîfê ma zî waştîşanê şima caardîş o.”

Ma weçînotaxan rê deyndar î

Hemşaredar Mizrakli bi vîr vîst ke gora mewzuatê Konseyê Bajarî ganî sozane ke yenî dayene bêrî caardene û wîna va: “Weçînîtişê heme rêveberîyan di şar îdareyê xo yane vîyanê xo weçînenê û ma weçinıotaxan rê deyndar î.Ma eke dest bideme yewbînî,ma eşkenê verê feqîrîye bigênê.Sewbînan ma wazeme ke Amed bibo bajarê cinîyan.Ganî Amed semedê cinîyan bajarêko hemdeng,demokratîk û azad bibo.”

Sewbînan Hemşaredar Mizrakli ard ziwan ke semedê bajarî gedeyan bi UNICEFî kombîyayîşê stratejîyî ameyo viraştene û badê wîna va:”Ma ganî çimanê gedeyan ra bajarî xo bivînîme.Yane gedeyan bajarî ma senî vînenê ma bizanê û reyna ma bizanê ke astengdarî ma zî senÎ vînenê û semedê bajarî ma çi wazenê.Nimune ganî binyatan gora hemwelatijî astengdar Bêrî viraştene. Hema hema inka 10 keyeyî ra yew astengdarn estê.Ma ganî nê babetan di baldar bibîme.Ma semedê “Bajarê Bîr û Evînê” yane seba Amedî û semedê averberdîşê Amedî pîya bixebitîme.

Qalîkerdişê Hemşaredar Mizrakliyî ra dima weçînîtişê Serekîya Konseyê Bajarî ame weçînayene û Hemşaredar Mizrakli ame weçînayene.Badê weçînayîşî pêşkêşîye Plansazîya Stratejîk a 2020-2024 ya Amedî ame viraştene.