Hemşaredarê Şaredarîya Bajarê Girdî ya Amedî Adnan Selçuk Mizrakli,Midurîyên Îtfaîye,Zabita û Makînayî de personelan ra ameyî têhet û warên xebate sehna.

Hemşaredarê Şaredarîya Bajarê Girdî ya Amedî Adnan Selçuk Mizrakli, Midurîyê Şaxa Baxlarî ya kê Serekîya Dayreyê Îtfaîye ra giredayeyê ,Amîrîyê Qenterê ya Serekîya Dayreyê Zabitayî û Midurîyê Makîna Îkmal a kê binê SerekÎya Dayreyê Ewnîyayîş û Koordînasyonê Rayîran de xizmet danê sehna û personelan ra ameyî têhet.

Hemserek Mizrakli ewilî Serekîya Dayreyê Îtfaîyê ya kê wesayîtî 3 şewate,2 nêrdîwane,1 xelesnayîşe,1 takwîye û 1 pîkap pêroyî 8 wesayîtê xo estê zîyaret kerd û personelan ra yewbînanşinasna û derheqê xebatan de zanayîş girewt.Mizrakli serekê îtfaîyê ra derheqê xebatan û qemasîyan zanayîş girewt û badê rewşe wesayîtan ewnîya.Mizrakli semede kê mintiqayê rîskan de merkezên îtfaîyê ya newe bêrê awankerdiş zı personelan ra pêvînayiş kerd.

Pê sehnayîşê îtfaîyê ra dima Hemserek Mizrakli Amîrîyê Qenterê a Serekîya Dayreyê Zabitayî zîyaret kerd.Zabitayî şî verê Mizrakliyî û serekê zabitayî derheqê midurîyên giredayeyê ,personelan û omare wesayîtan de zanayîş da Hemserek Mizrakliyî.Mizrakli îzeh kerd kê zabitayî wezîfeyêko zaf giring anê ca û no semed gere henî baldar bibê.

Hemşaredarê Şaredarîya Bajarê Girdî yê Amedî Adnan Selçuk Mizrakli pêynîyê de Midurîyê Makîna Îkmal a kê binê Serekîya Dayreyê Ewnîyayîş û Koordînasyonê Rayîran de xizmet danê sehna.Mizrakli tıya de zı hemu bînayan yew bi yew gêra û derheqê xebatan de zanayîş girewt.

Sehnayîşê warên xebate de Mizrakliyî rê Endamên Meclîsê pîyatî kerd