Hemşaredarê Şaredarîya Bajarê Girdî yê Amedî Mizrakli,Serekîya Dayîreyê Îtfaîyê û Kultur û Karên Sosyalî zîyaret kerd.

Hemşaredarê Şaredarîya Bajarê Girdî yê Amedî Mizrakli,Serekîya Dayîreyê Îtfaîyê û Kultur û Karên Sosyalî teftîş kerd.Mizakli ewilî Serekîya Dayîreyê Îtfaîyê ya Şaredarîya Girdî zîyaret kerd û Mizrakli derheqê omarê personelan,omarê wesayîtan di zanayîş girewt û terml kamerayî ya kê serebûtên gêrayîş û xelisîyayîşan di yeno şuxulnayîş wekinit.

Ekîbên îtfaîyê da zanayîş kê na mintiqayî de ekîbanê dalgiçê sifte teyna îtfaîya ma de estê û hewteyêko de 3 fetesîyayîş rê mudaxelê kerdê.Mizrakli zî aşkera kerd kê ekîbên îtfaîyê serebûtên xelesîyayîş,fetesîyayîş,xelesdîyayîşê heywanan,şewate û xeyle serebûtên bînan rê mudaxale kenê û ganî omarê îtfaÎyê zî bêro zedînayiş.Mizrakli xebatanê ekîbên îtfaîyê ra ver sipas kerd.

Personelan zî îzeh kerd kê demêko nêzdî de şewatên firêze zêde bibo û o semed ganî planêko ganî şaredarî hadre bikero.No sero Hemşaredar Mizrakli zî da zanayîş kê kombîyayîşê mixtaran din a mesele bêro qalîkerdiş û medya komelkî sero zî vergirotîşê şewate firêze bêro mojnayîş.Mizrakli îzeh kerd kê mudaxaleyan di dermankerdîşan di ziwakerdîşê vaşan nêano şuxulnayîş, çi kî nê dermanan di madeyê kanserojen estê.

Mizrakli teftîşkerdîşê Îtfaîyê qedênay û derbazê Merkezê Kultur û Kongreyî ya Kê Serekîya Dayîreyê Kultur û Karanê Sosyalî ya Şaredarîya Girdî ra giredayîyê, bî û ewilî warê şanoyî ya kê qepasîte ya 721 kesan ê sehna û badê warê pêşangehî sehna.Mizrakli aşkera kerd kê semedê aktîfkerdişê warê peşangehî ganî heme hunermendan dawetê tîya bikerî û Mizrakli da zanayîş kê teyna hunermendê bajarî ra nêy hunermendên teverî ra zî berê ma akerdeyo.

Mizrakli pêynîyê de Atolye ya Seramîk a Merkeza Kultur û Kongreyî sehna û xebatanê înan ra ver personelan pîroz kerd.Mizrakli derheqê atolyeyî de zanayîş girewt û îzeh kerd kê xemilnayîşê desê îstînadî ya Berêmerdîn-Xeta Kebe de xebatanê atolyeyî ra feyde bigîrê.Mizrakli kîfş kerd kê bajarêk pê binyat û abîdeyan xo mıjneno.

Zîyaretê Merkezê Kultur û Kongreyî de hemwelatêk Mizrakliyî Rê tabloyêk dîyarî kerd.