Hevserokê Şaredariya Bajarê Mezin a Amedê Adnan Selçûk Mizrakli, Serokê Odeya Mîmaran a Amedê Şerefxan Aydin û endamên desteya rêveber kirin mêvan.

Seredanên bo Hevserokê Şaredariya Bajarê Mezin a Amedê Adnan Selçûk Mizrakli dewam dikin. Serokê Odeya Mîmaran a Amedê Şerefxan Aydin û endamên desteya rêveber seredana Hevşaredar Mizrakli kir û daxwaza serkeftinê li Mizrakli kirin. Mizrakli kêfxweşiya xwe bi seredanê anî ziman û spasiya Aydin û şanda pê re kir.

Di seredanê de helwesta UNESCO ya der barê Sûran de hate nirxandin. Aydin, bi bîr xist ku wan meha kanûnê bang li UNESCOyê kiriye û got ku di 1-10ê tîrmehê di civîna UNESCOyê ya li Azerbaycanê de ew ê Sûrê bigirin rojevê. Aydin got ku divê Şaredariya Bajarê Mezin wek alî beşdarî vê kombûnê bibe. Hevşaredar Mizrakli aşkere kir ku ew ê hewldanên pêwist bikin.