Hemserekê Şaredarîya Bajarê Girdî yê Amedî Dr.Adnan Selçuk Mizrakli heyetêko Parlementer û Karsazî Armenî qebûl kerd û “ Ma nika ra tepîya ferasetêko haştî,têreyde cuwîyayişî û rêzdarîye îtîqatê heme şaran esas gênê” vat.

Parlementerê Kehen a Armenî Aragast Akhoyan û Karsazî Armanî Gagîk Ayvazhan,Hambursum Hambursumyan,Arkadî Tomasyan û Khacîk Chlacîkyan Hemserekê Şaredarîya Bajarê Girdî yê Amedî Dr.Adnan Selçuk Mizrakliyî zîyaret kerdê.

Mizrakli aşkera kerd ke deyrî û fîlmanê Armenî û Kurdî nêzdîyê yewbînan o û badê wîna va:”Ma heta donemêk Armenî,Kurd û Tirk nê herêmê de pîya cuwîyê.”Hemşaredar Mizrakli qatlê Hrant Dînkî sero bal ont û vîr vist ke cinîya ey Rakel Dînke rê Xeleta Haştî,Embazî û Demokrasîyî xo dayîbî û wîna va:”Aram Tîgran Armenî bî la, bi deyrî Kurmancî yenî ma virî.Ma ci rê deyndar î ke ma rê arşîvêko wîna girs û weş verada.

Hemserek Mizrakli,heyetê rê kitabêko ke Aram Tîgranî ser o qalî kenê û tabloyêk cinîya kurd ser o ameya neqş kerdene dîyarîyê heyetê kerd.