Şirikîya Şaredarîya Bajarê Girdî ya Dîyarbekirî û Yêwîya Şaredarîyan ya Mintiqa Başûrê Rojhelatî perwerdeyê binge ya îtfaîya qedînay.

Serekîya Dayîreyê ÎtfaÎya ya Şaredarîya Girdî, tecrubeye xo resnayî 71 şaredarîyan. Çarçiwa xebate de perwerde dîya îtfaîyekaranê şaredarîyanê Semsûr, Agiri,Şirnax,Sêrt, Mêrdîn,Colemêrg, Muş, Elîh û Dersîmî.

Perwerdeyî de derheqê zanayîşê vêşayîş û şewatî de cayê hedîseyî de tehlukeyî, cayê şewatî de organîzasyon, zanayîşê malzemeyî, madeyê tehlukeyinî, cigêrayîş û xelisnayîş, qezayanê trafîkî rê mudaxele, binê xirbeyan de cigêrayîş û xelisnayîş, talîmatnameyê îtfaîya, laserî rê mudaxale û şewatanê elektîrîkî rê mudaxale ser o agahî dîya beşdaran.

Serekê Dayîreyê Îtfaîya Veysel Yıgıt da zanayene ke standardê Tirkîya de perwerde dîyeno îtfaîyekaran û semedo ke ê wezîyeto lezgîn de hîna bi leze û zanayîşî xebate bikero desteg dîyeno înan. Yıgıtî qalîkerdişê xo wina domna : “Semedo ke îtfaîyekaran wezîyeto lezgîn de hîna leze û bi zanayîşî mudaxaleyê serebûtan bikerê perwerdeyê şaredarî bê mîyan dewom keno. Ma semedê mintiqayê serebûtan de gan û malê şarî bipawê perwerdeyê xo bidomno. “

Îtfaîyekaran, perwerde û tecrübeye Îtfaîyekaranê Şaredarîya Girdî ver spas kerd.