Şaredarîya Bajarê Girdî yê Dîyarbekirî do Sezonê Kultur û Senetî ya Feqîye Teyranî ya aşma citmenge cîya-cîya çalakîyan serrast bikero.

Serekîya Dayîreyê Karanê Kultur û Sosyalî ya Şaredarîya Bajarê Girdî ya Dîyarbekirî programê hüner û senetî ya aşma citmenge aşkera kerd û pê tîyatro,sinema,konser,dengbêj û cîya-cîya aktîvîteyan hemwelatîyan reyde bêro têhet.

Fûarê Lezetê Herêmî Gurme

Hemparîya Şaredarîya Bajarê Girdî ya Dîyarbekirîmabênê 16-21ê citmenge de Fûarê Lezetê Herêmî Gurme bêra serrastkerdiş.

Fuar Merkezê Fuar û Kongre ya Mezopotamyayî de bêra viraştiş û fuar kesê ke wazenê lezetanê cîya-cîyayan tem bikerê, bikero mêman.

Mezatê kitaban do dewom bikero

Mezatê Kitaban ke çarçeweya Sezona Kultur û Senetî ya Feqîyê Teyranî de hetê Serekîya Dayîreyê Karanê Kultur û Sosyalî virazîyeno û hetê hemwelatîyan raştê eleqeyêko weş yeno, aşma Citmenge de zî Îçkale de bêra viraştiş.

Semedo ke kitabhesan hîna rehet biresê kitabanê ke nênê çapkerdiş rotîşê kitaban yew lirayî ra yena akerdiş.

Roja Mamostayan bêra pîrozkerdiş

Serekîya Dayîreyê Karanê Kultur û Sosyalî seba 24ê Citmenge Roja Mamostayan pê Hunermendê Konservatuarî konserêk serrast bikero.Konser 24ê Citmenge de saetê 19:00 de bêra serrastkerdiş.

Promîyerê kaya “Derî” bêra viraştiş

Çarçiwa çalakîyê aşma Citmenge de kaya “Derî” yo ke hetê Nuştox Umut Yilmazer nusîyayo pê kaykerdoxîye Erdal Ayna û Ayşe Taylane 27ê Citmenge roja Şeme saet 20:00 de Merkezê Kultur û Kongreyî ya sezaÎ Karakoçî de bêra verê tîyatrohesan.

Aşma citmenge de musabaqayê zanayiş û kulturî zî dewom bikero û gedeyî mojnayişê sinema û kayê tîyatroyî de mirda xo keyf bikerî.

Mabênê aşma Citmenge de sergîyê “Medeniyet Şehrinde Sanat Karma”, “Kimsenin Görmediği”, “5’i Bir Yerde” zî seba zîyaretê hemwelatîyan akerde bo.