Şaredarîya Bajarê Girdî yê Amedî projeyê “Bajarê Dostê Heywanan Amed” da destpêkerdene û Serekê Şaredarîya Bajarê Girdî yê Amedî Dr.Adnan Selçûk Mizrakli qepsema projeyî de Warê Şêx Seîdî de alefê teyran û qabê werd û awe heywanan bi ca kerd.

Şaredarîya Bajarê Girdî yê Amedî projeyê “Bajarê Dostê Heywanan Amed” da destpêkerdene.Serekîya Dayîreyê Karanê Weşîya Şaredarîya Girdî, çarçewaya “Bajarê Dostê heywanan Amed” de 100 cîya cayon de semedê heywananê quçeyan qabê mama û awe bi ca keno.Proje Parkê Benûsen de a Sûrî de destpêkerd û HemsereKê Şaredarîya Bajarê Girdî yê Amedî Dr.Adnan Selçûk Mizrakliyî,Hemsereka Şaredarîya Sûrî Fîlîz Buluttekıne,Temsîlkara HAYTAPê ya Amedî Sevgî Emekçıler, endamî meclîsa şaredarîye,hetkarî sekreterê pêroyî ya şaredarîya girdî,serekê dayîreyan,heywanhesan tewrê çalakîyê bîyî.Qepsema projeyê de 100 cîya cayon de qabê maam û awe semedê heywanan ame bi ca kerdene.Projeyê hetê Baroya Amedî û HAYTAPê pîya bêro viraştene.

Hemserek Mizrakli, qabanê mam û awe ya ke ameybî bi ca kerdene wekenit û tîşortê ke ser de”Bajarê Dostê Heywanan Amed” nusîyayî xo ra da.Derheqê projeyê de qalîkerdiş ame viraştene û Hemserek Mizrakliyî zî “Warê Şêx Seîdî de endî vengê teyran bibo “ vat.Çalakîyê de beşdaran semedê ke hemwelatijan zî qabêk bi ca bikero veng dayî.