Şaredariya Bajarê Mezin a Amedê, beşdarî hevdîtineke çandî ya navneteweyî dibe ku bajarên cuda bi riya hunerê tîne cem hev. Di çarçoveya çalakiya “Opera li ser Ekranan” de berhema Jacques Offenbach a bi navê “Robinson Crusoé” ku ji aliyê Operaya Rennesê ve hatibû pêşkêşkirin, bi nîşandana ser ekranê re dê derkeve pêşberî hunerhezên Amedî.

Rêpêşandana ku di çarçoveya "Diyalogên Ewropayê" (European Dialogues) de hate destpêkirin û ji aliyê Les Champs Libres ve li ser navê Rennes Métropole hate organîzekirin, armanc dike ku şaredariyên bi ser Metrola Rennesê ve û bajarên xwişk û hevalbendên van şaredariyan di dora heman berhema hunerî de bîne cem hev.

Ji 13 welatan 17 bajar di heman hevdîtina çandî de ne

Di bernameya sala 2026an a çalakiyê de ji Almanyayê, Çînê, Dewletên Yekbûyî yên Amerîkayê (DYA), Fransayê, Îrlandayê, Japonya, Filistînê, Polonyayê, Romanyayê, Keyaniya Yekbûyî (Birtanya), Tirkiyeyê, Ukraynayê û Vîetnamê 17 bajarên hevalbend cîh digirin.

Nimayîş ku ji ber cudahiya saetan a di navbera welatan de nîşandan di dîrok û saetên cuda de bê kirin jî, hemû nîşandan dê bibin parçeyek ji heman hevdîtina çandî ya navneteweyî. Bi vê yekê re hunerhezên ku li erdên cuda dijîn, dê bi temaşekirina berhemeke hevpar re ezmûneke çandî parve bikin.

Nîşandan belaş e û ji herkesî re vekirî ye

Nîşandana Amedê ya operaya “Robinson Crusoé”, roja Înê, 6ê Mijarê saet di 20.30an de dê li Navenda Çand û Kongreyê ya Çand Amedê bê kirin. Çalakiya ku belaş e û ji herkesî re vekirî ye, ji bilî evîndarên operayê dê kesên ku dixwazin yekem car bi operayê re bêtin nasîn jî bîne cem hev.