Şaredarîya Bajarê Girdî ya Dîyarbekirî zuwayî ra ver û semedo ke awedayişê wehşî de verê windbîyayişê awe bigîro citkaran rê 45 hezar û 540 metre borîyê awedayişî ya zîretî vila kerd.

Şaredarîya Bajarê Girdî ya Dîyarbekirî hetêk ra semedo ke kar û gurê citkaran bikerê asan hetêk ra zî tesîrê zuwayî Kêm bikero citkaran rê piştgirîyê xo domneno.

Serekîya Dayîreyê Bêja ya Şaredarî semedo ke zuwayî ra awedayişê wehşî de verê windbîyayişê awe bigîro projeyêk hadre kerd û çarçiwa proje de 45 hezar û 540 metre borîyê awedayişî ya zîretî vila keno.

Ekîbê şaredarî taxanê qezayê Licê,Pasûr,Pîran,Şankuş û Sûrî de borîyan vila kerd û 2 hezar û 800 metre borîyê awedayişî zî semedo ke qezaya Çêrmûgî de vila bikerên pawtê qeymeqomtîye kerd.

Netîceyê xebatan 6 qeza û 24 tax de 45 hezar û 540 metre borî ame vilakerdiş.

Şaredarîya Girdî wa semedo ke piştî bido citkar û îstîhsalê zîretî xebatanê xo bidomno.