Şaredarîya Bajarê Girdî yê Amedî seba wendekaranê ke kewtîbî îmtîhone YKSê û inka zî semed unîversîte tercîh bikerî rê "Fuaro Perwerdeyî ya Rojanê Tercîho Bêpere" da destpêkerdene.

Serekîya Dayîreyê Karanê Ciwan û Sporî ya Şaredarîya Girdî semedê wendekaranê ke kewtîbî îmtîhone YKSê "Fuaro Perwerdeyî ya Rojanê Tercîho Bêpere"da dest pêkerdene.Fuar,Merkezê Kultur û Kongreyî ya Şaredarîya Girdî de bi 40 mamosteyî rayber mabenê saete 09:00-18:00 de yeno dayene û Rojanê Tercîho Bêpere heta 29ê Temmuze roja Dişeme dewom bikero.

Midura Serekîya Dayîreyê Xizmetanê Spor û Ciwanî ya Şaredarîye Xezal Arslan Erdemîrcî dîyar kerd ke nêzdîye 30 dezgeyî û 40 pîsporî semedê tercîhêko henî weş xizmet yenî dayene.Erdemîrcîye badê wîna dewom kerd: "Seba ke wendekaranê ma tercîhêko henî raşt bikero û şêrî unîversîteyêko henî weş ma bi 40 pîsporî ra pîya xizmet danê.No qapsam de semedê ke wendekaran tercîhêko raşt bikero ma do 26ê Temmuze roja Îne semînerêk zî serrast bikerî."Erdemîrcî veng da ke wendekaran bêrî û xizmetê tercîhan bigîrî.