Şaredarîya Bajarê Girdî yê Amedî semedê 11ê Tebaxê Roşanê Qurbanî hadreyînê xo temom kerd.Şaredarîya Girdî şaredarîye qezayanan ra zî pêvînayiş viraşt û cayê serebirnayîş û rotîşê qurbanan kîfş kerd.

Şaredarîya Bajarê Girdî yê Amedî semedê Roşanê Qurbanî ya ke mabenê 11-14ê Tebaxe de bêro pîrozkerdene, hadreyînê xo temom kerd.Şaredarîya Girdî semedê ke hemwelatijan qurbananê xo xayêko henî pak de bibirnê cayanê qurban girewtiş û cayê serebirnayîşê qurbanan kîfş kerd.

Şaredarîya Girdî semedê ke hewmelatijan Roşanê Qurbanî bê problem bivîyarnê,Salona Meclîse de kombîyayîşêk viraşt.Beşanê şaredarîyê qezayan zî tewrê kombîyayîşê bîyî û Serekê Dayîreyê Karanê Weşîye ya Şaredarîya Girdî Vahap Saçaklidir derheqê xebatanê Roşanê Qurbanî de agahî daye.

Cayanê serebirnayiş û rotîşê qurbanan kîfş bî

Cayanê rotîşê heywananê gonî; Borsayê Heywananê Gonî ya Şaredarîya Girdî,hemverê Goristana Yenîkoyî, binê Lîse ya IMKBê ya taxa Peyasî,qezaya Yenîşehrî taxa Şehîtlîkî hemverê Otogarê Qezayan û çewliganê taxa Çarikliyî bîyî.

Cayanê serebirnayîşê qurbanan zî Borsayê Heywananê Gonî ya Şaredarîya Girdî,Kombînayê May-Et û Guler-Etî,qezaya Yenîşehrî de pey binateyê îdarî ya etaba 1.ine ya TOKÎyî,Bazaro Sabît ya TOKÎ Uçkuyularî,qezaya Yenîşehrî taxa Şehîtlîkî cayê komire ya hemverê Otogarê Qezayan, warê betonê ya mabenê Lojmananê Kurdoglu ya qezaya Ofîsî û Otoparkê Carrefour-Sa yî ya Bulvarê Mehmet Akîf Ersoyî ,Baxlarî de zî cayê oto şutişî ya Qumandarîya Hêza Hewayî yê 2.ine,mabenê qezaya peyasî de kişta binateyê kehen a sîstemanê germkerdîşî ya Lojmanê Asayîşî,Cayê Bazar û Berardîşanê Dewijan a Şaredarîya Peyasî û Bazaro Organîk ya taxa Medyayî bîyî.

Roşanê Qurbanî de xeylê xebat do dewom bikerê

Serekîya Dayîreyê Karanê Weşîye ya Şaredarîya Girdî Roşanê Qurbanî de beytarêk cayanê serebirnayîşê qurbanan di selehîyetdar kerd û seba sewbîn serebûtan zî ekîbê tepiştişê qurbanan bêrî viraştene.Sewbînan Şaredarîya Girdî Roşanê Qurbanî de seba ke verê peydabîyayîşê melş û melşeyan bigîrê xebatanê dermankerdîşî zî bê mîyan bidomne.

Serekîya Dayîreyê Pawitiş û Kontrolkerdîşê Dorûverî ya Şareadrîya Girdî zî semedê pakîye cayanê serebirnayîşê qurbanan bê mîyan xebatanê xo bidomne.

Serekîya Dayîreyê Zabitayî ya Şaredarîya Girdî zî heta pêynîya roşanê teftîş3e parsgeran bikero.Semedê verê goristanan zî zabitayê trafîkî zî do wezîfe bikerê.

Serekîya Dayîreyê Resayîşî ya Şaredarîya Girdî zî semedê ke hemwelatijan zîyaretê goristanan di xidarîyê meoncê seferê rîngan bivirazê.