Şaredarîya Bajarê Girdî ya Dîyarbekirî semede ke bajar di zîret û heywandarî ave şiro citkaran rê paştdayîşê domneno.Bi tewrê Walî û Serekwekîlê Şaredarîya Bajarê Girdî ya Dîyarbekirî Hasan Basri Guzelogluyî citkaran rê malzemeye golalîyabirisim ame vilakerdene.

Şaredarîya Bajarê Girdî ya Dîyarbekirî semede ke bajar di zîret û heywandarî ave şiro citkaran rê paştdayîşê domneno.Şaredarîya Girdî semedo ke bajar di golalîyabirisim aver şiro citkaran rê malzeme vila kerd.Vilakerdîşê malzemeye citkaran Merkezê Kultur û Kongreyî de serrast bî.Vilakerdîşê rê Walî û Serekwekîlê Şaredarîya Bajarê Girdî ya Dîyarbekirî Hasan Basri Guzeloglu, Qeymeqam û Serekwekîlê Pasûrî Mustafa Gozlet,Sekreterê Pêroyîya Şaredarîya Bajarê Girdî ya Dîyarbekirî Muhsin Eryilmaz,Serekê AK Partî ya Dîyarbekirî Suleyman Serdar Budak,Mudirê Zîret û Daristanan a Bajarî Mustafa Ertan Atalar,Mudirê Zîret û Daristanan a Pasûrî Cihan Gureş,serekê yewîyê îstîhsalkerdox û citkaran,serekê koperatîfê zîretî û citkaran beşdar bîyî.

Merasîmê vilakerdîşê malzemeyan bi vîndertiş û wendîşa Marşa Îstîklalî dest pêkerd.Destpêkî de Mudirê Zîret û Daristanan a Bajarî Mustafa Ertan Atalar dîyar kerd ke bi destpêkî wezîfeya Serekwekîlîya WaLî Hasan Basri Guzelogluyî hetê zîret û heywandarîye Dîyarbekir aver şino.

Badê Walî û Serekwekîlê Şaredarîya Bajarê Girdî ya Dîyarbekirî Hasan Basri Guzelogluyî zî giringîya golalîyabirisim ser o qalîkerdişêk kerd û aşkera kerd ke Şaredarîya Girdî tim û tim piştgirîyê dana citkaran.Qalîkerdişê Walî û Serekwekîlê Şaredarîya Bajarê Girdî ya Dîyarbekirî Hasan Basri Guzelogluyî ra dima Walî Guzelogluyî citkaran rê dîyarîyê înan vila kerd û serkewtîşê înan waşt.

Peynîya merasîmê de Şaredarîya Pasûrî Walî Guzelogluyî rê şalêkî birisim û kravate dîyarî kerd.