Şaredarîya Bajarê Girdî ya Dîyarbekirî semedo ke problemê eşteyê huşk ya ponces serrîyan safî bikero projeya EKAYî (Îdareyê Eşteyê Huşk ya Entegre) hadrekerdbi û netîceyê xebatan di Tesîs 5ê Hezîrane Roja Dormeleyî ya Cîhane de ameybi akerdiş.

Serekîya Dayîreyê Pawitişê Dorûverî û Kontrolkerdişî ya Şaredarî saya projeya EKAYÎ de probleme depokerdişê çopanê wehşî qedînay.

Qerejdaxo ke çimeyê awe ya bajarî ma yo pê serreyan ameyo leyminkerdiş pê projeya EKAYÎ bine gêna.Heto bîn ra zî EKAY desteg dana îstîxdamê hemwelatîyan zî.

Ferıt Demıro ke mintiqa Qerejdaxî de ronişeno derheqê EKAY û giringîya aye ser o qalî kerd. Demır :“Ma çopan ver zaf zehmetî ant la saya projeya EKAYî de çopan,dû û boyê pîs qedîya.Verê cû ma tîya de nêeşkenê ke rakewê yan zî çay bişimê. Dorûver pê poşetan pirr bî. La nika hem nê dû, çopanê pîs û boye ame qedînayiş hem zî dôrûverê tesise ame serrastkerdiş.Tîya nika hande ke pak o şima nika eşkenê tîya de seyran bikerê.

Dewij Mehmet Nurı Demırî zî aşkera kerd ke saya EKAYî de dewa ê qefçilî û pîsî ra xelas bîyo aye ra zaf keyfweş o. Demır : “Verê cû tîya de çopan ver her waxt şewat û boye estbî la saya şaredarî de dewa ma boye û şewatanê pîs ra xelas bî.Heto bîn ra zî ina proje ma rê bî bere karî. 15 kes tîya de xebetiyenî û sîgortayê ma estê.Ma tîya de zaf weş xebetîyenî” vat.