Serokê Daîreya Xizmetên Astengdar û Pîran Anil Aslan û Rêveberê Şaxa Astengdaran Emin Baran tevî serdana piştgiriya ya ku ji aliyê Serokatiya Daîreya Xizmetên Astengdar û Pîran ve hat kirin bûn.

Nûnerên şaredariyê yên ku bi endamên komeleyê re hatin gel hev, li ser xizmetên ji bo hêsankirina jiyana astengdarên dîtinê û armanca bajarekî gihîştbar nirxandin kirin. Di çarçoveya serdanê de gopalên spî diyarî endamên komeleyê hatin kirin. Endam û rayedarên komeleyê kêfxweşiya xwe ya ji bo serdanê anîn ziman û spasiya nûnerên şaredariyê kirin.

‘Kêrkirina bajarekî gihîştbar polîtîkaya me ya bingehîn e’

Serokê Daîreya Xizmetên Astengdar û Pîran Anil Aslan di serdanê de axivî û bal kişand ser giringiya gihîştbarî û şert û mercên jiyanê yên wekhev. Aslan weha got: “Îro 15ê Çiriya Pêşîn Roja Cîhanî ya Hişmendiya Bastora Spî ye. Em jî ji bo hevkariyê biddin vê hişmendiyê û piştgiriyê bidin Komeleya Astengdarên Dîtinê ya Şeş Xalî li vir in. Em ji nêzîkayiyek bi temamî ser bingehê mafan li mijarê dinêrin. Mijara gihîştbarî yek ji mijarên me yên herî bingehîn e. Afirandina bajarekî ku ji bo her kesî gihîştbar be û ji bo her kesî şert û mercên jiyanê yên wekhev peyda bike, politîkaya me ya sereke ye.”

Aslan diyar kir ku ew ê xebatên xwe berdewam bikin da ku ji hemû welatiyên li bajar de dijîn re di mercên wekhev de xizmetê bikin û banga piştgiriyê kir: “Wekî hemû xwediyên bajar, em ê ji bo ku di mercên wekhev de xizmetê bidin hemû welatiyên xwe ji vir û pê de jî tişta ji destê me tê bikin. Werin em di nav piştgiriyê de bixebitin da ku em bi hev re bajarekî jiyanbar û gihîştbar biafirînin.”

‘Hevkariya bi rêveberiyên herêmî re pir giring e’

Serokê Şaxa Amedê ya Komeleya Astengdarên Dîtinê ya Şeş Xalî Mehmet Akif Karakaş jî bal kişand ser giringiya hevkariya bi rêveberiyên herêmî re û diyar kir ku ev serdan ji bo wan pir hêja ye.

Karakaş ji bo diyariya bastorên spî ya ji endamên komeleyê re jî spas kir û gotina xwe weha berdewam kir: “Wan bastorên spî yên ku sembola me ya serbixweyî û azadiyê ne anîn û diyarî me û hevalên me yên astengdar kirin. Ji ber vê yekê ez pir spasiya wan dikim. Hevkariya rêxistinên civakî yên sivîl û rêveberiyên herêmî giring e. Ev serdan jî nîşaneya herî mezin a vê hevkariyê ye.”