Şaredarîya Bajarê Girdî ya Dîyarbekirî seba qezaya Erxenî îhaleyê plakayê taksîyê bazirganî viraştbi û esnafon ina xebat ra ver zaf keyfweş î.

Şaredarîya Girdî semedo ke kiriştişê raywanan bigîrê binê qeydî û verê taksîcîyê korsanî bigîre plakayê taksîyan seba 29 serran akerdbi îhale.

Qezaya Erxenî de 52 taksîcîyê ke îhaleyî de pêşnîyaze dayêbi xebata dayişê îhaleyê taksîyê bazirganî ra ver keyfweşîyê xo ard ziwanê xo ser.

“Verê cu kam taksîcî keno kam nêkeno belî nêbî”

Cuma Savaro ke Nêzdîyê 16 serreyo qezaya Erxenî de taksîcîyê keno da zanayene ke dayîşê plakayê taksÎyan ver zaf keyfweş o û Savarî da zanayene ke wesayîtê xo boyax bikero û pê hewaya fermî xebatê xo bikero.

Savarî îzeh kerd ke netîceyê xebata şaredarî endî taksîcîyan kîfş bene û hemwelatîyan zî xizmetê taksîyan ra hîna weş îstîfade bikerê.

“Ma taksîyê rengîn ra ver dejayebî”

Sadik Ergîno ke qezaya ErxenÎ de 17 serrî yo taksiciye keno da zanayene ke vere cu taksîyê bazirganî û xususî Têmîyanbi û bade wina vat : “Erxenî de ma taksîyê rengîn ra ver dejayebî. Ez seba ci nêzdîyê 16 serrî yo ke gerrayê xo nuşeno UKOMEyî. Ez ina xizmet ra ver zaf keyfweş a.”

“Ez Şaredarî rê spas kena”

Onder Kano ke 11 serrî yo qezaya Erxenî de taksiciye keno û kîfş kerd ke o zî nêwazêne ke taksîcîyê korsanî virazê û nika kar û gureyê înan açarîya meslegê fermî û aye ra zaf keyfweş o.

Kanî da zanayene ke endî pê rehetî xebetiyenî û “Kesê ke Erxenî de cuyenê zanenê ke ma taksiciye kene labelê kesê ke teberê bajarî ra yene nêzonaybi la nika ma eşkenê meselegê xo pê hewaya fermî bvirazê.Ez ina xebate ver Şaredarîya Girdî rê spas kena” vat.

Esnafon ra Irfan Atliyo zî da zanayene ke vere cu cezayon ver pê ters xebitîyêne û “Ma nika plakayê xo girewt. Nika mesleğe ma bî fermî. Aye ra ma zaf keyfweş î. Endî raywanî ma zî nêşeno vajê şima zaf perey gênê. Ez xebatanê înan ver Şaredarîya Girdî rê spas kena” vat.