Tewrê Îtfaîya Dîyarbekirî,UMKE,AFAD, 112 Servîso Lezgîn û cenderme, tetbîqatê erdlerzî virazîya.

Çarçiwa tetbîqatî de kişta Çinarî Awbenda Goksu de pê koordînasyonê Mintiqa 5ine ya UMKE pê tewrê 186 kesî semedê wezîyeto lezgîn 3 rojê kamp û tetbîqat virazîya.

Tewrê ekîbê UMKE yê Dîyarbekir,Şirnax,Merdîn,Sêrt û Elihî 186 kesan rê perwerdeyê teorik û pratîkî dîya.

Ekîbanê Îtfaîya,UMKE,AFAD û cendermeyî goreyê tetbîqatî sey Dewa Bagacik ya Çinarî de 5.9 girdîyê de erdlerz qewimîyo tetbîqat virazîya.

Serekê Îtfaîya ya Şaredarîya Bajarê Girdî ya Dîyarbekirî Veysel Yıgıtî da zanayene ke tetbîqatê xelesnayiş û gêrayişî virazîyayo û bade qalîkerdişê xo wina domna : “Ma sazgehê bin ra xebatanê zaf weş virazenê. Sey şima zî zanenê 75 îtfaîyekarî newe dest pê wezîfe kerd û feydeyê înan zaf ê.Ma semedê wezîyeto lezgîn hadre yî.”