Şaredarîya Bajarê Girdî ya Dîyarbekirî semedo ke taxa Çelîkevlerî ya qezaya Yenîşehrî de probleme s binawanî û awa şimitişî safî bikero dest pê xebatan kerd.

Midurîya Pêroyî yê Îdareyê Awe û kanalîzasyonî ya Şaredarîya Girdî (DÎSKÎ) semedo ke problemê binawanî û awa şimitişî ya Taxa Çelîkevlerî çareser bikero, bingehê xebate eşt.

Dîskî do pê projeyi 4 hezar û 933 metre şebekeye awa şimitişî, 13 hezar û 834 metre şebekeyê kanalîzasyonî û 500 kes qapasÎteyin foseptîk bivirazo.

Qeymeqamê û Serekwekîlê Şaredarîya yenîşehrî Murat Beşıkçı û Midurê Pêroyî yê DÎSKÎ Firat Tutşı şarê taxa Çelîkevlerî reyde ameyî têhet.

Tutşı goş na problem û waştîşanê hemwelatîyan û bade derheqê xebatan di agahî da.

Çelîkevler rê 24 saet bê mabên awa şimitişî

Tutşî da zanayene ke pê piştgirîyê Walîyê Munır Karalogluyî û wesîleya projeyi taxa Çelîkevlerî 24 saet bê mabên awa şimitişî bigîro.

Tutşî bade qalîkerdişê xo wina domna: “ Wesîleya projeyi endî awa eşte ya taxa Çelîkevlerî do pê xeta terfi ya ke ma do bivirazo, bireso Tesîsê Sefênayişê Awe. Hetanî pêynîya serreyî proje bêro temomkerdiş. Ma goreyê waştîşanê hemwelatîyan lebate kenî ke dawa hîna biqalîteyin biresnîme şima. Wa semedo hemwelatîyan xizmetanê m ara Îstîfade bikerî ganî aboneyîyê xo bivirazê.”