Walîyê Dîyarbekirî Munır Karaloglu xebata bulvarê newe yo ke Şaredarîya Girdî dabî dest pêkerdiş sehna .

Walî Munır Karaloglu, xebata viraştişê rayîr û bulvarê newe yo ke Serekîya Dayîreyê Ciewnîyayiş û Viraştişê RayÎr û Binawanîye Şaredarî qezayê Baxlar û peyasî de domneno sehnayî û derheqê xebatan di agahî girewt.

Karalogluyî derheqê xebatan di wina vat : “Ya rayîrêk bivînê yan zî rayîrêk a ke. Ma ewro semede rayîrêk newe tîya de bî.Ma Rayîrê Sêwregî ya kehen keno 30 metre û keno newe. Eke ina xebat biqedêyo hemwelatê ma eşkenê Rayîrê Teyaregehî ra hîna rehet biresê Rayîrê Rîha.Nika ra heme hemwelatê ma rê xeyrin bo. Destanê kedkaran weş bo.”

“Çaya ma bi dem suhbetê ma germ bî”

Sehanyişê xebata asfalto germin ra dima Walî Karaloglu esnafan reyde ameyî têhet û înan ra derheqê xebatan di suhbet kerd.

Karaloglu : “Çaya ma bi dem suhbetê ma germ bî. Esnafê kehen ya cadeyê Sêwregî derd û kulê xo vat ma zî goşdarîyê înan kerd. Ma do pê ina qeyde yewbînî bişinasnê û kêmasîyê xo bivînê. Ma do pîya hîna weştir çîyan bivirazê. Wa bereketê kar û gurê şima zede bo” vat.