Walîyê Dîyarbekirî Munır Karaloglu qezayê Bismılî de akerdişê rayîrê taxan viraşt.

Şareadrîya Girdî qezaya Bismılî de 30 kîlometreyin rayîrê taxan viraşt û Walî Karaloglu taxa Belî de merasîmê akerdişê rayîrî de qalîkerd û da zanayene ke hema hema 17 taxê bajarî ma de xebata Şareadrîya Girdî esta.

Karalogluyî îzeh kerd ke hedefe 1200 kîlometre viraştişê rayîrî ra 180 kîlometreyê nînan qezayon de bêra viraştiş û qezaya Bismılî averşîyayişê xo domneno û potansîleyêko weş hewêneno.

Karalogluyî wina vat : “Amayox de bitaybetî zî pê qedîyayişê Awbendê Farqînî Deşta Bismılî do sey dewlemendî ageyro hemwelatijan.Bismıl do ewro ra weştir bo û aver şêro. Sey vatişê Serekkomarê ma “Rayîr cu yo û medeniyet o”. Rayîrê ma citkarê ma reseno hegayê înan ser, gedeyî ma reseno mektebe înan û hemwelatijan reseno yewbînî aye ra ina xizmet mabênê xizmetan de en girîng o. Naye ra ma hem merkeze bajarî de hem zî teberê bajarî de semedê geşkerdişê rayîrî xebetiyenî.”

Bismıl nika probleme îhmalkerdişî anceno. Karalogluyî da zanayene ke 3 serrîyo pêyen o ke ekîbê şaredarî dekewto heme cade û kuçeyê Bismılî.

Karalogluyî ^kıfş kerd ke etabo yewin de Bismıl di xebata dogalgazî bade xebata elektrîk3ı virazîyayo û xetanê elektrîkî ancîyeno bine erdî.

Qezaya Bismılî de 100 hezar kes cuyenê û awe eşte ya qezayî endî kirişîyeno

çemê Dîcle û bal ont ke sermayegozarîyê kanalizasyon,awa şimitişî û binawanî yê en girîng qezaya Bismılî de virazîyayo.

Karalogluyî wina vat : “Pêynîya serra 2021 û mabeyne serra 2022 awankerdişê tesise biqedêyo. Endî Bismıl de xebate ke hemwelatijan rê peyda bikero Nêmano. Hemwelatê ma kendişê ke xebata binawanî ver virazîyayo, zaf zehmetî ont.Nika ma do pê lezkanî kendişê ke Şaredarîya Girdî û qezayan qedênayî de zî xebata serawanî bideme dest pêkerdiş.Badê xebatan bajarê ma do bibo en qezayê weş û pak.”

Karalogluyî aşkera kerd ke Cadeyê Îstasyonî de xebatan virazîyeno û pê qedîyayişê xebata rayîr,peyarayîr û roşnîkerdişî yê cadeyê Îstasyonî ra dima cade do bibo cadeyê en prestijin ya Bismılî.

Karalogluyî mijdan daye ke teberê xebata Cadeyê Îstasyonî 7 ehzar û 500 metre dergi de 4 cadeyê bîn de zî xebatan bêra viraştiş. Îhaleyê înan zî 12ê Teşrîne de bêra viraştiş.

Karalogluyî vîr vîst ke derheqê parke de zî xebatanê Şaredarîya Bismılî estê û aye ra demêko nêzdî de Bismıl do herr û weleyan ra xelas biba. Karalogluyî îzeh kerd ke hetêk ra xebata şaredartîya esas virazîyeno hetêk ra zî xebatanê ke zerrîyê hemwelatijan şa keno virazîyeno.

“Bismıl de depokerdişê wehşî qedîya”

Karalogluyî qalîekrdişê xo wina domna : “Hetanî nika sey merkeze Dîyarbekirî qezaya Bismılî de zî çopan pê qeydeyo wehşî ameybi depokerdiş.Ma merkezê bajarî de xizmeta EKAYî da dest pêkerdiş. 24ê Elule de çopanê Bismılî bêra dewisnîyayiş û bêra kiriştiş. Ma do çopanê uca abirnê û tîya de endî depokerdişê wehşî qedîya.”

Karalogluyî da zanayene ke neweşxaneyê Bismılî ya kehen semedê ke karanê kultur û sosyali de bêra şuxulnayiş tadîyeno û Pê qedîyayişê ina merkeze, gede cênî,kêna û ciwanê Bismilij tira îstîfade bikerê.

Karalogluyî da zanayene ke mabenê merkeze de Akademî Lîse û Banê Zanayişî zî ca bigîro. Karalogluyî vîr Vîst ke Banê Zanayişî ya Prof.Dr.Azîz Sancarî serê hewte de kewto xizmetê şarî û nika 200 wendekarî tira îstîfade kenî.

Karalogluyî aşkera kerd ke Baxçeyê Şarî ya Bismılî de zî xebatan dewom keno.Baxçe 85 hezar metrekare ca ser o yena awankerdiş.

Karalogluyî bade wina vat : “Bêguman nê çiman nê xizmetan xwe vera nîna viraştiş. Verê her çîy3ı ez Serekkomar recep tayyıp Erdoganî rê spas kena. Homa razî bo, ê heme projeyê ma rê desteg da. Ma kamcvî projeye benê pê desteğe parlementerê ma zî ca de safî benî. sey şima zî zanenê demêko nêzdî de Wezîrê Perwerdeyîyê ame tîya û ma ê ra zî sozê 500 mîlyon sermayegozarîyê girewt.Ma îhaleyê înan hadre kenî. Homa firsend medo xayînan.”

Karaloglu, zengê dersa Banê Zanayişî ya Prof.Dr.Azîz Sancarî ya sifte çinit

Karaloglu merasîmakerdişî ra dima xebatanê ke Baxçeyê Şarî, Kursê Quranî,cadeyê Îstasyonî û Binyatê Şaredarî de dewom kenê sehna. Karaloglu, zengê dersa Banê Zanayişî ya Prof.Dr.Azîz Sancarî ya sifte çinit.Banê Zanayişî pêroyî de 1000 wendekarî rê xizmet bikero.

Merasîm rê Walîyê Dîyarbekirî Munır Karaloglu, Parlementerê Dîyarbekirî Mehmet Mehdî Eker,Ebubekır Bal û oya Eronate, endamê MKYK yê AK Partîyî Alaattın parlak,Serekê AK Partî yê Bajarê Mehmet şerıf Aydın,Sekreterê Şareadrîya Girdî Ayhan Kardan û serekê dayîreyê şaredarî bedşar bîyÎ.