Walîyê Dîyarbekirî Munır Karaloglu bi wesîleya “8ê Adare Roja Cinîyanê Cîhane” Yurdê Kênayan ziyaret kerd.

Karaloglu :“Bi taybetî ma semedê kênayanê ke dewe û taxanê bêjayî ronişenê rê cîyayîyê pozîtîf kerd.Keyeyanê înan zaf qerebalix ê û îmkananaê înan zî çînbî, aye ra ma înan rê yurd awan kerd ke tîya de bi rehetî dersanê xo bixebitê” vat.

Walîyê Dîyarbekirî Munır Karaloglu û cinîya ey Sevım Karaloglu,Parlemeneteranê AK Partî Mehdı Eker,Oya Eronat,Ebubekır Bal û Endamê MKYK ya AK Partî Alattın Parlak bi wesîleya “8ê Adare Roja Cinîyanê Cîhane” Yurdê Kênayan ziyaret kerdê.

Walî Karaloglu kênayan reyde şamî de ame têhet û înan reyde suhbet kerd.

Karaloglu wendekaran rê kitabê Sezaî Karakoçî dîyarî kerd û înan rê şîîrêk zî wend.

Karalogluyî qalîkerdişê xo de da zanayene ke şaredarî xebatanê xo de giranîye xo dano ciwanan.

Karalogluyî Kîfş kerd ke semedo ke ciwanî aver şêrê desteg dîyeno înan û bade qalîkerdişê xo wina domna : “Tayê kênayî ma qeydê unîversîte nêviraşto tayînê înan zî cayê ke wazena qezenç nêkerda û lîse qedînaya. Bi taybetî ma semedê kênayanê ke dewe û taxanê bêjayî ronişenê rê cîyayîyê pozîtîf kerd.Keyeyanê înan zaf qerebalix ê û îmkananaê înan zî çînbî, aye ra ma înan rê yurd awan kerd ke tîya de bi rehetî dersanê xo bixebitê”