Şaredarîya Bajarê Girdî yê Amedî pê vilîkanê kê binê banê xo de îstîhsal kenê,park,bacçe ,refûj û peyarayîran keno zergûn.Şaredarîya Girdî 360 hezar vilikî hamnanî ya kê îstîhsal kerdîbî cîya-cîya cayon de rona.

Midurîya Beşê Leyegehan ke Serekîya Dayîreyê Park û Baxçeyan ra giredayîyê seba park,baxçe,refûj,peyarayîr û cayanê keskgehan pê vilikan bixemilnê,360 hezar vilikî hamnanî îstîhsal kerd.Nê vilikan ra 200 hezarî cayanê keskgehan de amey ronayene.

Bi germbîyayîşê hewayon xebatanê îstîhsal kerdişê vilik û leyekan zî zêde bî.Şaredarîya Girdî binê banê Midurîya Beşê Leyegehan de 200 hezar qedîfe,100 hezar zînya,40 hezar petûnya,10 hezar vapurdumani û 10 hezar horozîbîgî ame îstîhsal kerdiş.Sewbînan cîya-cîya tewir de 6 hezar û 500 heb leme ame îstîhsal kerdiş.

Sereka Midurîya Leyegehan a ke Serekîya Dayîreyê Park û Baxçeyan giredayîyê Gulîzar Guneş, dîyar kerd ke Warê Leyegehan de ma leme û vilikî îstîhsal kenê û nê leme û vilikan cayanê keskgehan de yenê şuxulnayîş.Mexsedê ma uyo kê ma do yew mîlyon vilikî îstîhsal bikerî.