Ji aliyê Serokatiya Daîreya Ragihandin, Çapemenî û Têkiliyên Gel ve, bi armanca ku xwendekarên zanîngehê bigihîjin xizmetên şaredariyê bi rengekî hêsantir, li ber Navenda Jiyanê ya Xwendekaran a Zanîngeha Dîcleyê standa “Bi Xêr Hatin” hat avakirin.

Xebatkarên Serokatiya Daîreya Têkiliyên Gel ên ku li standê peywirdar in, bi taybetî bi xwendekarên ku nû dest bi zanîngehê kirine re rû bi rû dicivin û daxwaz, pêşniyar û bendewariyên wan guhdar dikin. Her wiha ji bo ku xwendekar karibin nêrînên xwe yên derbarê Şaredariya Bajarê Mezin de rasterast ragihînin, formên daxwaz, pêşniyar û nêrînan jî tên tijekirin.

Ciyên dîrokî û çandî yên Amedê tên nasandin

Bi broşûrên ku ji aliyê Serokatiya Daîreya Çand û Karên Civakî ve hatine amadekirin, ciyên dîrokî û çandî yên Amedê jî ji xwendekaran re tên nasandin. Wekî din, Bultena Çapemeniyê ya ŞBMê jî digihîje destê xwendekaran û gelek îkram jî tên kirin.

Derbarê piştgiriyên perwerdehiyê de agahî tên dayîn

Ji xwendekarên ku cara ewil qeyda xwe çêkirî re, derbarê piştgiriyên perwerdehiyê yên ku ji aliyê Şaredariya Bajarê Mezin a Amedê ve tên pêşkêşkirin û pêvajoyên serlêdanê yên ku divê ji bo sûdwergirtina ji van piştgiriyan bên şopandin de agahî tên dayîn.

Standa “Bi Xêr Hatin” ku îmkan dide têkiliyeke rasterast bi xwendekaran re were danîn, daxwaz û pêşniyarên ciwanên zanîngehê yên derbarê rêveberiya xwecihî de digire.

Dê mehekê vekirî bimîne

Standa “Bi Xêr Hatin” ji bo ku xwendekar karibin daxwaz, pêşniyar û nêrînên xwe ragihînin, dê mehekê xizmetên xwe bidomîne.