50 cinîyê ke Atolyeya Epoksî û kursê Miqateyê Klîma-Kombî ke hetê Serekîya Daîreya Polîtîkayanê Cinîyan ra ameyî organîzekerdiş, temam kerdî, qabîlîyetê meslekî qezenc kerdî û beşdarê waranê berhemardişî bîyî.

Perwerdeyan de ke Merkezê Cuya Cinîyan ê Koşuyoluyî de ameyî organîzekerdiş, 32 cinîyan warê epoksî de, 18 cinîyan zî warê miqateyê klîma-kombî de perwerdeyê tatbîqî girewt.

Bi merasîmî ke ame kerdiş, cinîyan belgeyê beşdarîye girewtî. Kursan de qabîlîyetanê meslekîyan ra teber, derheqê azadbîyayîşê cinsîyetê komelkî de zî xebatî ameyî ramitiş.

Sereka Daîreya Polîtîkayanê Cinîyan Ozden Gurbuz Sumer dîyar kerd ke atolyeyî amanc kenê waranê berhemardişî yê cinîyan bikerê cîya-cîya, keda înan vejo meydan û piştîpêdayîşî xurt bikerê.