"Bostananê Şaristanî yê Komunê Cinîyan" de ke bi pêşengîya Mudirîya Xurtkerdişê Ekonomîya Cinîyan a Serekîya Daîreya Polîtîkayanê Cinîyan a Şaredarîya ma ya Şaristanê Girdî ameyî awankerdiş, berê verênî ameyî arêkerdiş.

Çarçewaya projeyî de ke Serekîya Daîreya Xizmetanê Dewan reyde pîya yeno ramitiş, grûba komunî ya 15 kesan ke cinîyê karkerê citkarîya demserre zî tede yê; toximanê herêmkîyan ra firîngî, îsot, balcane û nebatê dermanî-aromatîkî ber girewtî.

‘Kedêka zaf pîle est a’

Sereka Daîreya Polîtîkayanê Cinîyan Ozden Gurbuz Sumer bal ante ser o ke her daraxê berhemardişî de keda cinîyan a hempare û zaf pîle est a.

Bi nê projeyî ke berhemardişê ekolojîkî teşwîq keno, cinî hem piştîpêdayîşî pîl kenê hem zî pê berhemanê ke gênê, hewceyîya keyeyê xo temîn kenê.