Hemşaredarê Amedî ya Şrasitanê Girdî Serra Bucak û Emîn Ay, qezaya Sûrî de beşdarê eşkerayîya çapemenîye bîyî.

Eşkerayî çarçewaya kampanyaya Platformê Şiyar Be yê Têkoşînê Vera Madeyanê Hişbiran de ame organîzekerdiş.

Platform seranserê şaristanî de vera girêdayîş, fuhuş û taxrîbatê komelkî bi şîarê “Seba cuyêka azade ya vera girêdayîşî rabin (wirzê)” kampanyaya xo dewam keno.

Hemşaredara Amedî Serra Bucak eşkerayî de qisey kerd û bale ante ser o ke ganî têkoşînê vera girêdayîşî tena sey meseleyêkê asayîşî ney, sey meseleyê polîtîkaya komelkîye û averşîyayîşê komelkî bêro nirxnayîş.

Bucak dîyar kerd ke seba awankerdişê merkezanê têkoşînê vera girêdayîşî, merkezê qezayan û qezayanê teberî de xebatî dewam kenê.

Bucak îfade kerd ke ganî îdareyê herêmkî, dezgehê merkezî, komelê sîvîl û grûbê meslekî mekanîzmayêkê hemparî de berpirsîyarîye bigîrê.