Kongreyê Psîkolojî yê Mezopotamya dest pêkerd ke hetê Komela Psîkologanê Mezopotamya ra 25, 26 û 27ê êlule de bi şîarê “Ganî merdim psîkolojîya xo bi ziwan û nasnameyê xo hîs bikero” Merkezê Kongreyî yê Alî Emîrî de yeno organîzekerdiş.

Hemşaredara Şraedarîya Amedî ya Şaristanê Girdî Serra Bucak ke akerdişê kongreyî de qisey kerd, dîyar kerd ke kongre do piştî bido xebatanê warê xizmetê komelkî û psîkolojî.

Hemaşredare Bucak bale ante ser o ke seba ke hewceyîyanê komelî rê cewab bêro vînayîş, xebata kolektîfe muhîm a.

Badê qiseykerdişanê akerdişî, kongre bi roniştişanê sernameyê “Xebatê awankerdişê ziwan û nasnameyî”, “Pratîkanê psîkolojî de test û terapî” û “Awankerdiş û înkarkerdişê nasnameyî de cayê ziwanê dayîke yê” dewam kerd.