Hemşaredarê Şaredarîya Şaristanê Girdî Emîn Ay beşdarê “Atolyeya Şerbetê Rihane” bî ke çarçewaya Rojanê Gastronomî de ame organîzekerdiş. Ayî bale ante ser o ke mitbax zî vîrêk o û girêdayîşê bi kultur û edetan no vîr hîna xurt keno.

Rojê Gastronomî bi atolyeya Şerbetê Reyhanî ya Qonaxê Cemîl Paşayî qedîyayî. Mudirîya Şûbeyê Gastronomî û Markabîyayîşî ya Serekîya Daîreya Kultur, Huner û Karanê Komelkîyan, mabênê 19ê êlule û 4ê teşrîna verêne de cayanê tarîxî yê şaristanî de atolyeyî organîze kerdî. Atolyeyan de babetê sey fermantasyon, mîro tirş, mitbaxo bêeşte û şerbetê herêmkî ameyî pêardiş.

Hemşaredar Ayî vat: “Vîndîbîyayîşê werdêkê ke bi seserran tarîx de ca gêno, vîndîbîyayîşê parçeyêkê tarîx û vîrê merdimî yo. Komelêk çiqas wayîrê kulturê xo vejîyo û ey biciwîno, estbîyayîşê ey hende qewetin beno.”

Aktîvîte, ke endamê meclîsî, Hetkara Sekreterê Pêroyî Muhabbet Erdogmuş, serekê daîreyanê têkildaran û zaf mêmanî tede bîyî, bi kilamanê dengbêjan û tamkerdişê berhemanê herêmkîyan qedîya.