Hemşaredar Emîn Ay beşdarê aktîvîteyî bî ke Serekîya Daîreya Xizmetanê Astengdar û Pîran, Mudirîya Şûbeyê Xizmetanê Pîran a Sumerparkî de organîze kerde. Aktîvîte de kilamê tradîsyonê dengbêjî ameyî vatiş. Amancê aktîvîteyî, piştîdayîşê beşdarîya hemwelatîyanê pîran a cuya komelkî û xurtkerdişê girêdayîş û hîsê înan ê piştîpêdayîşê komelî reyde bî.

Hemşaredar Ayî bale ante vîrê komelî ser o

Hemşaredar Ayî hemwelatîyanê pîran reyde yew bi yew qisey kerd û waştiş û pêşnîyazê înan goşdarî kerdî. Ayî dîyar kerd ke hemwelatîyê pîrî vîrê komelî yê û ganî bi taybetî şaristanan de înan rê her tewir xizmet bêro dayîş.

‘Hewceyê tecrubeyê înan est o’

Hemşaredar Ayî dîyar kerd ke o bawer keno ke nê warî de Tirkîya de xebata tewr zêde Şaredarîya Amedî ya Şaristanê Girdî de bena û wina dewam kerd: “Hewceyê tecrubeyê pîranê ma est o. Ganî ma tecrubeyanê înan hem seba cuya xo bigîrê, hem qeyd bikerê, bi taybetî zî binusê. Her wezîfeyo ke kewto ser milanê ma, ma do bîyarê ca.”

Endamê meclîsî û serekê daîreyanê têkildaran zî beşdarê aktîvîteyî bîyî.

Tadayox: Mehmet Olmez