Hemşaredara Şaredarîya Amedî ya Şaristanê Girdî Serra Bucak; parlamenter, hemşaredarê şaredarîyanê qezayan û temsîlkaranê rêxistinanê komelê sivîlî reyde, hewteyê 6. yê Super Lîgî de maçê Amedspor û Beşîktaşî trubîn ra temaşe kerd ke Stadyûmê Amedî de ame kaykerdene. Maço ke tarîxê Super Lîgî de her di tîmî tede verêne ameyî têver, saete 20.00î de dest pêkerd. Hetgiiran ke trîbûnî bi rengê Amedsporî pirr kerd, maçî de piştî daye tîmê xo. Hemşaredara Bucak zî maç trîbûnî ra temaşe kerd û bîye hempara têkoşînê Amedsporî.

Amedsporî Beşîktaş 3-2 bin vist

Maço ke bi heyecanêko pîl kay bî, Amedsporî 3-2 qezenc kerd. Bi na netîce Amedsporî 3 pûanî girewtî û pûanê xo yê lîgî kerdî 13î.

Raqîbo bîn: Gençlerbîrlîgî

Amedsporo ke Super Lîgî de hewteyê 6. lîderîye pê temam kerde, hewteyê 7. de do şêro deplasman. Amedspor, roja 10ê teşrîna verêne, şeme, saete 13.30î de do Gençlerbîrlîgî reyde kay bikero.

Tadayox: Mehmet Olmez