Hemşaredara Şaredarîya Amedî ya Şaristanê Girdî Serra Bucak, parlamenterê DEM Partî Berdan Ozturk û Dîlan Kunt Ayan û temsîlkarê rêxistinanê komelê sîvîlî yê Tirkîya beşdarê konferansê “Rojhelatê Mîyanênî de Seba Aştîye Perspektîfêk” bîyî.

Konferans bi hemparîya Şaredarîya Torînoyî, Komîteya Herêmkî ya Heqanê Merdiman û Îdareyê Herêmkî yê Pîemonteyî û bi piştîdayîşê Weqfa Bankaya Teserufî ya Torînoyî bajarê Torînoyî yê Îtalya de ame organîzekerdiş.

Hemşaredara Amedî Bucake ke roniştişê akerdişî yê konferansî de bi kurdkî pêşkêşîyêk daye, derheqê rolê îdareyanê herêmkîyan ê awankerdişê komelêdemokratîkî de, sîstemê hemşaredarîye û çareserîya mesel pûç bike eya kurdan de qisey kerd.

Bucake ke bale ante ser o ke îdareyo demokratîk taxan, dewan û de meclîsanê şarî ra dest pêkeno û aver şino, tecrubeyê şaredarîye, azadîya cinîyan, beşdarîya demokratîke û xizmetê zafziwanî qalî kerdî.

Bucake bale ante ser o ke tatbîqatê qeyûmî zerar danê demokrasîya herêmkî.