Hemşaredara Şaredarîya Amedî ya Şaristanê Girdî Serra Bucak, parlamenterî, hemşaredarê şaredarîyanê qezayan, Serekê Klûba Amedsporî Nahît Eren, Walîyê Amedî Murat Zorluoglu û temsîlkarê rêxistinanê komelê sîvîlî, musabeqaya ke hewteyê 3. yê Sûper Lîgî de mabênê Amedspor û Trabzonsporî de Stadyûmê Amedî de ame kaykerdiş, trîbûn ra taqîb kerd.

Musabeqa de ke hetgiran eleqeyêko girs nawit, Amedspor vera Trabzonsporî war ra bi serkewtişê 2-1î vejîya. Amedsporî ke hewteyo verên yê lîgî de Erzurumspor 3-0 mexlûb kerdbî û hewteyo dîyin deplasmanê Kocaelisporî ra bi mexlûbîyeta 2-0î peyser ameybî, bi serkewtişê Trabzonsporî reya dîyine resa 3 puanan.

Amedspor bi na netîce puanê xo yê lîgî kerd 6 û têkoşînê xo yê Sûper Lîgî dewam kerd.

Reqîbo bîn: Kasimpaşa

Amedspor do hewteyo 4. yê Sûper Lîgî de şêro deplasmanê Îstanbulî. Amedspor do roja yewşemeyî 6ê êlule saete 17.00î de Kasimpaşayî reyde kay bikero. Musabeqa do Stadyûmê Recep Tayyîp Erdoganî yê Îstanbulî de bêro kaykerdiş.